ဗုဒ္ဓဘာသာတွေရဲ့ ပန်းတိုင်ဟာ ဘာလဲလုို့ မေးရင် နောက်ဆုံးပန်းတိုင်ဟာ နိဗ္ဗာန်ရရေးပဲ ဖြစ်ပါတယ်။ ဒါက အဆုံးစွန်ဖြစ်တဲ့ ပန်းတုိုင်ပါ။ နိဗ္ဗာန် မရသေးခင် သံသရာ ကျင်လည်ရာ ကာလတစ်လျှောက်မှာလည်း ရည်ရွယ်ရာ ပန်းတုိုင်တွေ ရှိပါသေးတယ်။ အဲဒီ ပန်းတုိုင်တွေက
၁။ အပါယ်မလားရေး
၂။ သုဂတိ ဘဝမှာ ချမ်းသာစွာ နေထိုင်ရေးတို့ပဲ ဖြစ်ပါတယ်။
အဲဒီ ပန်းတိုင်တွေကို လှမ်းကိုင်နိုင်ရေးအတွက် အဓိက အခရာကျတာက လက်ရှိပစ္စုပ္ဗန် ဘဝပဲ ဖြစ်ပါတယ်။ လက်ရှိအချိန်တွေမှာ လှုပ်ရှားနေတဲ့ အလုပ်တွေက အဲဒီပန်းတိုင်တွေကုို လှမ်းကိုင်နုိုင်၊ မကိုင်နိုင် အဆုံးအဖြတ်ပေးမှာ ဖြစ်ပါတယ်။
ဆိုတော့ကား ဒီရည်ရွယ်ချက် ပန်းတိုင်ကုို လှမ်းကုိုင်နုိုင်ဖုို့အတွက် စွမ်းနုိုင်တဲ့ သူတွေက ဒီဘဝမှာပဲ နိဗ္ဗာန်ရောက်အောင် ပြုလုပ်နိုင်မှာ ဖြစ်သလုို အဲဒီလောက် မစွမ်းနိုင်သေးရင်တော့ နောင်ဘဝသံသရာတွေမှာ အပါယ်မလားရေးကို ဦးစားပေးကြရမှာ ဖြစ်ပါတယ်။ အပါယ်လားစေမယ့် လုပ်ရပ်တွေကုိုရှောင်ပြီး သုဂတိဘဝမှာ ပြန်လည်မွေးဖွားနုိုင်ဖုို့ ကြိုးစားကြရမှာ ဖြစ်ပါတယ်။ ပြီးတော့မှ တစ်ဆင့်တက်ပြီး အဲဒီ သုဂတိဘဝမှာ ချမ်းချမ်းသာသာ နေထိုင်နုိုင်ဖုို့ အားထုတ်ကြရမှာ ဖြစ်ပါတယ်။
ဒီဘဝမှာ အဆုံးစွန်ဖြစ်တဲ့ နိဗ္ဗာန်ပန်းတိုင်ကုို လှမ်းကိုင်နုိုင်ဖုို့အတွက် လက်ရှိပစ္စုပ္ဗန် လူသားများ အနေနဲ့ ဝိပဿနာ ကျင့်စဉ်ကလွဲပြီး တခြားကျင့်စဉ် မရှိပါဘူး။ ဝိပဿနာ အလုပ်ကို ကြိုးစားအားထုတ်ပြီး ပါရမီအလျောက် နိဗ္ဗာန်လမ်းကို လျှောက်ကြရမှာ ဖြစ်ပါတယ်။ ဝိပဿနာ ကျင့်စဉ်ကို အသုံးချပြီး ဉာဏ်စဉ်တွေ တဖြည်းဖြည်း ရင့်သထက် ရင့်ကာ အောက်ထစ်ဆုံး အနေနဲ့ သောတာပတ္တိမဂ်ကို ရရှိသွားနုိုင်ပြီဆုိုရင် ဒါဟာ နိဗ္ဗာန်တံခါး ပွင့်သွားတာပဲ ဖြစ်ပါတယ်။ အဲဒီလုို သောတာပတ္တိမဂ်ကုို ရရှိသွားတဲ့ သောတာပန် ပုဂ္ဂိုလ်ဟာ သေချာပေါက် နိဗ္ဗာန်ရောက်ဖုို့ အာမခံသွားနိုင်တော့တာ ဖြစ်ပါတယ်။ အဲဒီကတဆင့် အခြားခြား မဂ်ဉာဏ်တွေကို ရရှိပြီးနောက်ဆုံး အရဟတ္တမဂ်ဉာဏ်ကို ရရှိသွားတဲ့အခါမှာ ကိလေသာကုန်ခမ်း ရဟန္တာဖြစ်ပြီး နိဗ္ဗာန်နန်းကုို ဝင်စံသွားနုိုင်တော့တာ ဖြစ်ပါတယ်။ ဒါက အဆုံးစွန်ဖြစ်တဲ့ နိဗ္ဗာန်ဆိုတဲ့ ပန်းတိုင်ကုို လှမ်းကိုင်နုိုင်ရေးအခြေအနေပါ။
အဲ ဒီဘဝမှာ နိဗ္ဗာန်အထိ အာမခံချက် မထားနိုင်ဘူးဆုိုရင်တော့ နောင်ဘဝသံသရာမှာ အပါယ်မလားရေးအတွက် အထူးကြိုးစားအားထုတ်ကြရမှာ ဖြစ်ပါတယ်။ ဒီဘဝသေပြီး နောက်နောက် ဘဝသံသရာမှာ ငရဲ၊ တိရစ္ဆာန်၊ ပြိတ္တာ၊ အသူရကယ်ဆုိုတဲ့ အပါယ်လေးဘုံတွေ မဖြစ်ဖုို့အတွက် လက်ရှိဘဝမှာ ထိန်းသိမ်းစောင့်ရှောက် ကျင့်ကြံအားထုတ်ရမှာက သီလအကျင့်ပဲ ဖြစ်ပါတယ်။ အနည်းဆုံး အခြေခံသီလဖြစ်တဲ့ ငါးပါးသီလလောက်တော့ လုံအောင်ကျင့်ကြံနုိုင်မှာ သေပြီးနောက်ဘဝမှာ အပါယ်မကျရေး အာမခံချက် ပေးနိုင်မှာ ဖြစ်ပါတယ်။ လှူတာတန်းတာ စတာတွေဟာ ချမ်းသာရေးကို ဖြစ်စေနုိုင်ပေမယ့် အပါယ်မကျရေးအတွက်တော့ အာမခံချက် မပေးနုိုင်လှသေးပါဘူး။ ဒါကြောင့် နိဗ္ဗာန်မရခင် ဘဝသံသရာစပ်ကြား အပါယ်မလားရေးဆုိုတဲ့ ပန်းတုိုင်အတွက်တော့ ကိုယ်ကျင့်သီလကို လုံခြုံအောင် စောင့်ထိန်းပေးကြရမှာ ဖြစ်ပါတယ်။
အပါယ်မကျရေး သီလကုို အလေးပေးပြီး စောင့်ထိန်းထားပြီးရင် နောက်တစ်ဆင့်တက်ပြီး သုဂတိဘဝမှာ ချမ်းသာရေးအတွက် ကုသုိုလ်တစ်ခု ဆက်ပေးရမှာ ဖြစ်ပါတယ်။ အဲဒီအတွက် ဘဝမှာ ချမ်းချမ်းသာသာ ဖြစ်စေမယ့် ဒါနဆုိုတဲ့ ပေးကမ်းလှူဒါန်းခြင်း အလုပ်ကုိုလည်း လုပ်ကြရဦးမှာ ဖြစ်ပါတယ်။ သီလလုံတဲ့အတွက် အပါယ်မလားဘဲ သုဂတိဘဝကုို ရောက်နုိုင်ပေမယ့် ဒါနမပါပြန်ရင်လည်း လူဖြစ်ပေမယ့် လူမွဲ၊ နတ်ဖြစ်ရင်လည်း နတ်မွဲ ဖြစ်တတ်ပါတယ်။ ဒါကြောင့် သီလကုို အခြေခံတဲ့ ဒါနကုသုိုလ်ဟာလည်း သုဂတိဘဝမှာ ချမ်းချမ်းသာသာ ရှိစေနုိုင်ဖုို့ လုပ်ဖုို့လုိုအပ်တဲ့ အလုပ်တစ်ခုပဲ ဖြစ်ပါတယ်။
အချုပ်ဆုိုတော့ ဗုဒ္ဓဘာသာတွေအတွက် လုိုရာပန်းတုိုင် လှမ်းကိုင်နုိုင်ဖုို့ ဒါန၊ သီလ၊ ဘာဝနာဆိုတဲ့ ကုသုိုလ်သုံးမျိုးလုံးကို ပြုလုပ်ကြဖုို့ပဲ ဖြစ်ပါတယ်။ သီလကို အခြေခံအဖြစ် လုံအောင်ထိန်းပြီး ဒါနကုသုိုလ်၊ ဘာဝနာ ကုသုိုလ်တွေ ကြိုးစားအားထုတ်နုိုင်ပြီဆုိုရင် အပါယ်မလားရေးကုို အာမခံချက်ပေးပြီး ကောင်းတဲ့သုဂတိဘဝမှာ ချမ်းချမ်းသာသာနဲ့ နောက်ဆုံး ဝိပဿနာအလုပ် အားထုတ်ရင်း အဆုံးစွန်ဖြစ်တဲ့ နိဗ္ဗာန်ကို ဝင်စံနုိုင်ကြမှာ ဖြစ်ပါတယ်။ ဒါဟာ ဗုဒ္ဓဘာသာဝင် အားလုံးရဲ့ တူညီပြီး မပြောင်းလဲတဲ့ ပန်းတိုင်သုံးရပ်ပဲ ဖြစ်ပါတယ်။
အဲဒီ ပန်းတုိုင်တွေအတွက် ဖန်တီးရှင်က ကုိုယ်ကုိုယ်တုိုင်ပဲ ဖြစ်ပြီး တိကျတဲ့အချိန်ကလည်း လက်ရှိပစ္စုပ္ဗန်အချိန်ပဲ ဖြစ်ပါတယ်။ ဒါကြောင့် လက်ရှိ အချိန်ကုို နိဗ္ဗာန်အထိ အသုံးချနုိုင်ဖုို့ သီလကုို အခြေခံတဲ့ ဒါနအလုပ်၊ ဘာဝနာအလုပ်တွေကို ကြိုးစားအားထုတ်ကြပါစို့လုို့ ပညာရှိသူတော်ကောင်းများက တုိုက်တွန်းကြခြင်း ဖြစ်ပါတယ်။
0 မှတ်ချက်များ (...ရေးရန်):
Post a Comment