အောင်မြင်ချင်ရင်

လူငယ်လေး တစ်ယောက်နဲ့တွေ့တော့ သူက အောင်မြင်မှု ရချင်တယ်တဲ့။ အောင်မြင်အောင် ဘာလုပ်ရမလဲလုို့လည်း မေးပါသေးတယ်။ ဒီတော့ ဘုန်းဘုန်းက သူ့ကုို အောင်မြင်ခြင်း တရားလေးပါးကို ပြောပြဖြစ်ပါတယ်။ မြတ်စွာဘုရားရှင်က သတ္တဝါတိုင်းမှာ အကြောင်းအကျိုးဆုိုတာ ရှိကြောင်း ပဋိစ္စသမုပ္ဗဒ်နဲ့ ပဋ္ဌာန်းဒေသနာတော်မှာ ဟောတော်မူပါတယ်။ အထူးသဖြင့် ပဋ္ဌာန်းဒေသနာတော်မှာ အောင်မြင်ချင်တဲ့ သူတွေအနေနဲ့ အဓိပတိဆိုတဲ့ အကြီးအမှုး ပဲ့ကိုင်အထိမ်းအကွပ်တရားတွေ လက်ကုိုင်ထားသင့်တယ်လုို့ မိန့်တော်မူပါတယ်။ 

ဘယ်သူမဆို ဒီဘဝမှာ အောင်မြင်မှုရချင်ရင်

၁။ ဖြစ်ချင်တဲ့ ဆန္ဒ

၂၊ ဖြစ်အောင်လုပ်တဲ့ ကြိုးစားမှု ဝီရိယ

၃။ အလုပ်တစ်ခုအပေါ်မှာ မတုန်မလှုပ် တည်ကြည်အောင် လုပ်တတ်တဲ့ စိတ္တ ခေါ် စိတ်နဲ့

၎။ အကြောင်းအကျိုး၊ အကောင်းအဆုိုးကုို ခွဲခြားစိစစ်တတ်တဲ့ ပညာ တရားတွေကုို လက်ကိုင်ထားပြီး လုပ်ဆောင်နုိုင်မယ်ဆုိုရင် သေချာပေါက် အောင်မြင်မှုကုို ရရှိစေမှာ ဖြစ်ပါတယ်။ 

အတိတ်ကံ မကောင်းလုို့ သူများတွေလောက် လွယ်လွယ်ကူကူ မဖြစ်နုိုင်တာတောင်မှ ဒီတရားတွေ လက်ကုိုင်ထားပြီး အဆုံးတုိုင်အောင် ကြိုးစားနုိုင်ရင် ကြိုးစားတဲ့အလျောက် ဒီဘဝမှာ အောင်မြင်မှုရမှာ အသေအချာပဲ ဖြစ်ပါတယ်။ တစ်ချို့က ပြောကြပါတယ်။ တပည့်တော် ကြိုးစားပေမယ့် မရဘူးဘုရားတဲ့။ ဒါဟာ ဇွဲမရှိလုို့ပဲလုို့ ပြောရမှာ ဖြစ်ပါတယ်။ အောင်မြင်မှု မရခင် နောက်ပြန်ဆုတ်သွားတဲ့ အတွက် မအောင်မြင်တာပါပဲ။ အောင်မြင်မှု မရမချင်း ကြိုးစားမယ်ဆုိုတဲ့ စိတ်ဆန္ဒ၊ ဇွဲလုံ့လရှိရင် မဖြစ်နုိုင်ဘူးဆုိုတာ မရှိပါဘူး။ အောင်မြင်မှုဟာ သူ့အတိုင်းအတာနဲ့သူ အနေးနဲ့အမြန် အမှန်ရောက်လာမှာ ဖြစ်ပါတယ်။

အဓိကကတော့ ကုိုယ့်ကုိုကုိုယ် ပဲ့ကိုင်နုိုင်ဖုို့ပဲ ဖြစ်ပါတယ်။ ကုိုယ့်ကုိုကုိုယ် ထိန်းနုိုင်ဖုို့ဆုိုရင် ခုနပြောခဲ့သလုို ကိုယ်ဘာဖြစ်ချင်တယ်ဆုိုတဲ့ ဖြစ်ချင်တဲ့ ဆန္ဒအမှန်ရှိရပါမယ်။ ဆန္ဒရှိပြီးရင် အဲဒီဆန္ဒကုို အကောင်အထည်ဖော်ပေးမယ့် ကြိုးစားအားထုတ်မှု ဝိရိယ လုိုပါတယ်။ ကြိုးစားတဲ့အခါမှာလည်း တလွဲဆံပင်ကောင်းဆုိုတဲ့ လွဲမှားတဲ့ ဝိရီယတွေ မဖြစ်စေဖုို့ မှန်ကန်တဲ့ ရွေးချယ်မှုဖြစ်အောင် အသိပညာလည်း တွဲပါပေးရမှာ ဖြစ်ပါတယ်။ ပြီးရင် ကိုယ်လုပ်တဲ့ အလုပ်တွေမှာ တည်ကြည်ပြီး ခုိုင်မာမှုရှိအောင်၊ ကောင်းမွန်မှန်ကန်တဲ့ စိတ်အစဉ်လေးနဲ့ ကပ်ပြီးထားလုိုက်ရမှာ ဖြစ်ပါတယ်။ ဒီလုို ဆန္ဒ၊ ဝီရိယ၊ စိတ်၊ ပညာဆုိုတဲ့ ပဲ့ကုိုင်တရားတွေ လက်ကုိုင်ထားပြီး ကြိုးစားနုိုင်မယ်ဆုိုရင် အောင်မြင်မှုဟာ လူတုိုင်းအတွက် လက်တကမ်းမှာ ရှိနေမှာ အမှန်ပဲ ဖြစ်ပါတယ်။ ဒါဟာ ဘုရားပေးတဲ့ အောင်မြင်ရေးလမ်းစဉ် ဖြစ်သလုို ဒီလမ်းစဉ်ဟာလည်း အကြောင်းအကျိုးကုို ဆက်စပ်ပြတာ ဖြစ်တဲ့အတွက် ဒီတရားတွေနဲ့အညီ ကြိုးစားနုိုင်မယ်ဆုိုရင် အောင်မြင်မှုဆုိုတဲ့ အကျိုးသက်ရောက်မှုဟာ အသေအချာရောက်လာမှာ ဖြစ်ပါတယ်။ 

ဒါကြောင့် ဘယ်သူမဆုို အောင်မြင်ချင်ရင် အတိတ်ကံကို ခဏအသာထား၊ လက်ရှိပစ္စုပ္ဗန်မှာပဲ ဖြစ်ချင်တဲ့ ဆန္ဒကုို အရင်းတည်ပြီး ကြိုးစားအားထုတ်မှု ဝိရိယနဲ့ အကောင်အထည်ဖော်ကာ၊ တည်ငြိမ်တဲ့ စိတ်ကလေးနဲ့ အမှားအမှန်ကုို ခွဲခြားပြီး အောင်မြင်မှု မရမချင်း ကြိုးစားမယ်ဆုိုတဲ့ ဇွဲနဲ့ မဆုတ်မနစ် အားထုတ်ဖြစ်အောင် ကြိုးစားကြဖုို့ အသိပေးစကား ပါးလုိုက်ရပါတယ်။