အစွဲကင်းချင်ရင်
**********
အစွဲကင်းချင်တယ်လုို့ တစ်ချို့က ပြောပါတယ်။ အဲဒီလုို အစွဲကင်းဖုို့အတွက်လည်း ဘာလုပ်သင့်သလဲလုို့
မေးပါတယ်။ ပြောရရင်တော့ အစွဲကင်းဖုို့အတွက် အလွဲကင်းဖုို့ လုိုပါတယ်။ အလွဲကင်းဖုို့အတွက် မလွဲမိဖုို့ လုိုပါတယ်။ မလွဲဖုို့အတွက် မသိမှုကင်းဖုို့ လုိုပါတယ်။ မသိမှုကင်းဖုို့အတွက် အသိရှိနေဖုို့ လုိုပါတယ်။ အသိရှိဖုို့အတွက် သတိတရားရှိဖုို့လုိုပါတယ်။ သတိရှိနေရင် မမေ့တဲ့ သူပဲဖြစ်ပါတယ်။ မမေ့တဲ့သူဟာ အမှားတွေ မလုပ်မိတော့ပါဘူး။ အမှားမလုပ်ရင် အလွဲလည်း မရှိတော့ပါဘူး။ အလွဲမရှိရင် အစွဲလည်း ရှိမှာ မဟုတ်တော့ပါဘူး။ ဒါကြောင့် ဘုရားရှင်က “အပ္ဗမာဒေန သမ္ဗာဒေထ- မမေ့ကြပါနဲ့” လုို့ မိန့်တော်မူတာ ဖြစ်ပါတယ်။
---------------------------------------------------------------------------------------
မာန
*******
မာနကြီးခြင်းဟာ ခွေးမြီးလိုပါပဲ။ အမြီးထောင်ရုံသာရှိပြီး အသုံးကျမှု ဘာမှမရှိပါဘူး။
“လောကလူတွင်၊ ငါသာလျှင်တိ၊ ငါ့ပြင်မရှိ၊ ထင်ဘိမှတ်ယောင်၊ မောဟဆောင်၍၊ အန်ထောင်မာန၊ မမူရတည့်။ သုတတရား၊ မြင်ကြားအသိ၊ များစွာရှိလည်း၊ သတိမယှဉ်၊ သမ္ဗဇဉ်မမှီး၊ မာနကြီးက၊ ခွေးမြီးပမာ၊ မည်စပါခဲ့၊ ထောင်ကမတ္တ၊ သုံးမကျရှင့်။ သူများကိုသာ၊ နှိပ်လုိုစွာဖြင့်၊ ရန်စွထိပါး၊ အပြစ်များ၏။”
(မဃဒေဝလင်္ကာသစ်)
-------------------------------------------------------
အပြစ်မြင်ရင် အပြစ်ထင်၍ အပြစ်မြင်က အပြစ်ရ၏
********************************
သူတပါး၏ အပြစ်အနာအဆာတုို့ကုို မရှုမကြည့်ရာ။
သူတပါးတို့၏ ကောင်းမှု၊ မကောင်းမှု ပြုမပြုကိုလည်း မရှုမကြည့်ရာ။
မိမိ၏ ကောင်းမှု၊ မကောင်းမှု ပြုမပြုကိုသာ ရှုကြည့်ရာ၏၊
(ဂေါတမ မြတ်စွာဘုရား)
အကုသိုလ်အပြစ်ဆုိုတာ နှလုံးသွင်းမမှန်ရင် အလွန်အဖြစ်မြန်ပြီး အဖြစ်လွယ်တဲ့ သဘောရှိပါတယ်။ တစ်ခါတလေ တစ်ချို့ အပြစ်တွေဟာ သူတပါးရဲ့ အပြုအမူတွေကို ကြည့်ပြီး သူ့အပြစ်က ကိုယ့်အပြစ်တွေ ဖြစ်ကုန်တာလည်း အများကြီးပါပဲ။ ဒါဟာ ကိုယ်ကခံယူချက်မမှန်၊ အမြင်မမှန်တဲ့အတွက်ကြောင့်ပဲ ဖြစ်ပါတယ်။ ပုထုဇဉ်မှန်သမျှ အပြစ်ဆိုတာ ရှိနေကြမှာ၊ ဖြစ်နေကြမှာပါပဲ။ အပြစ်ဖြစ်တာချင်း အတူတူ သူများကိုကြည့်ပြီး ကိုယ့်မှာအပြစ်ဖြစ်တာဟာ ကိုယ့်အတွက်တော့ နှစ်ခါနာသလိုတောင် ဖြစ်သွားတတ်ပါတယ်။ ဒါကြောင့် ဘာပဲဖြစ်ဖြစ် သူများရဲ့ အပြုအမူတွေကို ကြည့်ပြီး အပြစ်ဖြစ်နေမယ့်အစား ကိုယ့်ရဲ့အပြုအမူတွေမှာ အကုသုိုလ် အပြစ်ဖြစ်မဖြစ် စီစစ်ကာ အပြစ်ဖြစ်မယ်ထင်ရင် ရှောင်ကြည်ပြီး ကိုယ့်ကိုယ်ကိုသာ အပြစ်မဖြစ်အောင် သတိပြု နေထိုင်ကြရမှာ ဖြစ်ပါတယ်။
-----------------------------------------------------------
လူမိုက်တိရစ္ဆာန် နိဗ္ဗာန်စကား အလွန်ခါး၏
*************************
ပါရမီနဂို၊ မရှိလိုက၊ ကုသုိုလ်သုစရုိုက် မဟောထုိုက်တည့်၊
လူမုိုက်တိရစ္ဆာန်၊ နိဗ္ဗာန်စကား၊ အလွန်ခါး၏၊ နားပါးမဝင်၊ မကြားချင်ဘူး၊
သိမြင်မဲ့စွာ၊ လူယုတ်မာအား၊ ခြင်းရာကောင်းဆိုး၊ ကြောင်းကျိုးတရား၊ မဟောကြားရာ၊
ဟောမိပါက၊ အပြစ်ရ၏။
(မဃဒေဝလင်္ကာသစ်၊ မန်လည်ဆရာတော်ဘုရားကြီး)
“လောကမှာ တရားကကျယ်၊ နားကငယ်၊ နားဝယ်မဆန့်ပြီ” ဆိုသလို တရားဆုိုရင် မကြားလိုကြသူများ အများအပြားရှိ၏။ အထူးသဖြင့် မတရားအလုပ်တွေ၊ မဟုတ်တဲ့ အလုပ်တွေနဲ့ အရှုပ်ကြီး ရှုပ်နေကြသူများအား ကောင်းတဲ့အလုပ်၊ တရားထုတ်ဖုို့ ပြောဆုိုရခြင်းသည် အလွန်ပင် အသိခေါက်ခက်၊ အဝင်နက်လှပေ၏။ မတရားမှုသည် တရားမှုကုို ကြောက်ရသကဲ့သုို့ မဟုတ်တာလုပ်သူများသည်လည်း ဟုတ်တာပြောလာသည်ကုို ကြောက်ကြစမြဲဖြစ်၏။ မသိမှု အားကြီးနေသဖြင့်လည်း မဟုတ်သည့် အလုပ်များဖြင့် လှုပ်ရှားနေကြသူများမှာ အဟုတ်တရားဆုိုလျှင် နှုတ်စကားနဲ့ပင် မဆိုချင်ကြသူများ ဖြစ်နေတတ်ပေ၏။ ထုိုသူများအား ဓမ္မစကား ပြောဆုိုရန်မှာ ကျွဲပါးဆောင်းတီးပေးသလုိုသာ ဖြစ်တတ်ပေ၏။ အခန့်မသင့်လျင် အပြစ်ပင်မြင်ပြီး ပြောသူပင်လျှင် အပြစ်ထင်တတ်ပေ၏။
ထုို့ကြောင့် တရားအသိ၊ နားမရှိသူများအား၊ ဓမ္မအသိ၊ မျှကြည့်ဖုို့ထက်၊ အမှားသိကာ ပြုပြင်လာမည့် အချိန်ကိုသာ စောင့်စားရင်း သဗ္ဗေသတ္တာ ကမ္မဿကာ သူ့ဖာသာသာ ပြုပြင်ပါဟု လျစ်လျူအမှု ပြုကြရတော့မည်သာ ဖြစ်ပါပေ၏။
------------------------------------------------------------------------------------------------
လောကီထုံးစံ၊ လောကဓံကား၊ မကြံလည်းဖြစ်၊ ကြံလည်းနစ်၏
****************************************
လူတုို့ကိစ္စ၊ လူ့လောက၌၊ ပြုသမျှမျိုး၊ ပြစ်အကျိုးတုို့၊ ကောင်းဆိုးအတိ၊ မြဲမရှိဘူး။ လောကီထုံစံ၊ လောကဓံကား၊ မကြံလည်းဖြစ်၊ ကြံလည်းနစ်၏။ စင်စစ်မှတ်သား၊ မယုံစားနှင့်။ ယောက်ျားတကာ၊ အားထုတ်ရာတည့်။ ကြီးစွာလုံ့လ၊ ဝါယမမူ၊ မချကောင်းချေ၊ မလွတ်စေနှင့်၊ မသေမချင်း၊ ပြုအပ်နှင်း၏။ မယွင်းမှန်လှ၊ ဤလောက၌၊ လုံ့လမမူ၊ နတ်မကူဘူး။ လူလည်းလုံ့လ၊ နတ်လည်းမ၏။
(မဃဒေဝလင်္ကသစ်၊ မန်လည်ဆရာတော်ဘုရားကြီး)
အကောင်းအဆိုး၊ အတက်အကျ၊ အနိမ့်အမြင့်စတဲ့ လောကဓံဟာ သတ္တဝါတိုင်းအတွက် အချိန်မရွေး ရောက်လာတတ်တဲ့ သဘောရှိပါတယ်။ ထင်ထားတာတွေ၊ မဖြစ်တတ်သလို၊ ဖြစ်နေတာတွေလည်း ပျက်သွားတတ်ပါတယ်။ ဒါဟာ သဘာဝပါပဲ။ ဆိုတော့ကား သဘောဝက သူ့သဘော သူဆောင်နေတဲ့ အပုိုင်းမှာ ကိုယ်ကပါ သူပြောင်းတိုင်း လိုက်ပြောင်းနေရင် ကိုယ့်အတွက်ကတော့ ကျရှုံးခြင်းတွေနဲ့ပဲ၊ နပမ်းလုံးနေရမှာ ဖြစ်ပါတယ်။ ကျရင်ပြထ၊ လဲရင်ပြန်ထူ၊ မှားရင်ပြန်ပြင် စသဖြင့် ပြင်ကုိုပြင်နေရမှာ ဖြစ်ပါတယ်။ အရေးကြီးတာက ဇွဲမလျော့ဖုို့ပါပဲ။ မယိုင်လဲဖုို့ပါပဲ။ ကြိုစားဖုို့ပါပဲ။ ကြိုးစားရင် တိုးပွားမယ်ဆုိုတာ အသိဉာဏ်နဲ့ ယှဉ်တဲ့ ဇွဲလုံ့လကို မချဘဲ ပုံမှန်လှုပ်ရှားသွားရင် မဟာဇနက္ကမင်းကို မဏိမေခလာ ကူသလုိုပါပဲ။ ဇွဲဆုပေးလုိုက်တဲ့ သဘောမျိုးပါ။ လုံ့လမပြုရင် လူလည်းလျစ်လျူရှုသလို၊ နတ်လည်းမသိသလုို ပြုတတ်ပေမယ့် လုံ့လပြုရင်တော့ လူလည်းကြည်ညို နတ်လည်းအကူပိုနေမှာ ဖြစ်ပါတယ်။
ဒါကြောင့် မလျော့ပါနဲ့၊ မပေါ့ပါနဲ့၊ မပျော့ပါနဲ့ ပြီးတော့ ပျင်းနေတာတွေကုို ကန်တော့ပါရဲ့လုို့….။
-------------------------------------------------------------------------------
သံသရာခရီးရဲ့ ဖန်ဆင်းရှင်
******************
သတ္တဝါတွေ ဒုက္ခဖြစ်ရတဲ့ အကြောင်း၊ သံသရာ လည်စေကြရတဲ့ အကြောင်းတွဟာ အဝိဇ္ဇာဆုိုတဲ့ မသိမှုနဲ့ တဏှာဆုိုတဲ့ တွယ်တာမှုတွေကြောင့်ပဲ ဖြစ်ပါတယ်။ အမှန်တော့ ဒုက္ခပဲ ဖြစ်ဖြစ်၊ သုခပဲ ဖြစ်ဖြစ် အားလုံးဟာ သံသရာကုို ရှည်စေ၊ သံသရာကုို လည်စေတတ်ကြတာတွေပဲ ဖြစ်ပါတယ်။ စာလုိုပြောတော့ ကောင်းတဲ့အလုပ် မကောင်းတဲ့ အလုပ်တွေဟာဉာဏ်နဲ့ မဖြတ်နုိုင်သေးသမျှ လုပ်သမျှအလုပ်တုိုင်းမှာ အကျိုးသက်ရောက်မှုက ရှိနေသေးတဲ့အတွက် ဒုက္ခသုခ အားလုံးဟာ သံသရာရှည်နေစေတာပဲ ဖြစ်ပါတယ်။ အဲဒီသံသရာ ရှည်စေရာမှာ ဒုက္ခနဲ့ ပတ်သက်တဲ့ သံသရာ လည်စေမှု၊ ရှည်စေမှုတွေကုိုတော့ အဝိဇ္ဇာက ဦးဆောင်ပြီး တဏှာက နောက်ကလုိုက်ကာ တွယ်တာနေတဲ့ သဘောဖြစ်ပြီး သုခနဲ့ ပတ်သက်တဲ့ သံသရှည်စေမှု၊ သံသရာလည်စေမှုကုိုတော့ တွယ်တာမှုဆုိုတဲ့ တဏှာက ဦးဆောင်ပြီး မသိမှုဆုိုတဲ့ အဝိဇ္ဇာက နောက်ကာ ပါဝင်ပတ်သက်နေတဲ့ သဘောပဲ ဖြစ်ပါတယ်။ ဒါကြောင့် သတ္တဝါတွေရဲ့ အကောင်းအဆုိုး သံသရာ ရှည်မှုတွေဟာ အဝိဇ္ဇာနဲ့ တဏှာကြောင့်ပဲလုို့ ဆုိုကြခြင်း ဖြစ်ပါတယ်။
----------------------------------------------------------------------
ပျက်စီးချိန်တန်သော်
*******************
“ကြမ္မာငြိုးမှိန်၊ ပျက်စီးချိန်၌၊ ပညိနြ္ဒိ၊ သတိမှောက်မှား၊ တရားမကျင့်၊ ကျင့်ယွင်းချွတ်၏။ ကျင့်ချွတ်သောခါ၊ ပညာ အမျိုး၊ တန်ခိုးထိန်ညီး၊ ဘုန်းတန်းကြီးလည်း၊ ပျက်ဆီးမြဲလျှင်၊ မချွတ်ပင်တည်း။ အကြင်လူများ၊ ယောက်ျားမိန်းမ၊ စသည်ထိုထို၊ ပျက်စီးလိုက၊ အဆိုအသွား၊ အမှားမှားဖြင့် ဘုရားသော်မှ၊ ဟောမရဘူး။” (မန်လည်ဆရာတော်)
ဘယ်သူပြောပြော နားမထောင်တဲ့သူ၊ ဘယ်လုိုပြောပြော လက်မခံတဲ့သူ၊ ကုိုယ့်သာမှန်တယ် အများက မှားတယ်ဆုိုပြီး အမှားကုို အမှန်ထင် ဇွတ်အတင်း လက်ခံထားတဲ့သူတွေကုို တွေ့မိတဲ့ အခါ မန်လည်ဆရာတော်ကြီးရဲ့ အထက်ပါ လင်္ကာလေးကုို သတိရမိပါတယ်။ တစ်ချို့ကလည်း ပျက်စီးဖုို့ အကြောင်းဖန်လာလုို့ရယ်လား မသိ အမှားလမ်းကကုို ရုန်းမထွက်နုိုင်ဘဲ ဖြစ်နေတတ်ကြပါတယ်။ အဲဒီလုို အမှားကုို မမြင်မိတဲ့ အခါဆုိုတော့ လုပ်သမျှအလုပ်တွေဟာလည်း မှားပြီးမှားရင်း ဖြစ်ကာ နောက်ဆုံး အမှားက အဆုိုင်အခဲဖြစ်ပြီး ဘယ်သူမှ ကယ်လုို့ မရလောက်အောင် ဖြစ်သွားတတ်တာလည်း အများကြီးပါပဲ။
ဒါကြောင့် ပျက်စီးချိန်တန်လာပြီဆုိုရင် လုပ်သမျှအလုပ်၊ ပြောသမျှစကား၊ ကြံသမျှ အတွေးတွေဟာ အမှားတွေပဲ ထပ်ခါထပ်ခါဖြစ်ကာ ဘုရားတောင် ကယ်မရတဲ့သူလို့ ဆုိုကြခြင်း ဖြစ်ပါတယ်။
