ဥပုသ်သီလ၊ မုသာဝါဒနှင့် အလှူဒါန…

Q. အရှင်ဘုရား
၁။ ၈ပါးသီလတောင်းခံရာ၌ ဘုရားစင်ရှေ့၌ မိမိဖာသာဆိုပြီး တောင်းခံ၍ ရနိုင်ပါသလား
၂။ တပည့်တော် ဥပုသ်စောင့်တဲ့ အခါမှာမေ့ပြီး တူကလေးကို နောက်ပြောင်ပြီး ညာပြောမိပါတယ်။ သတိယတော့ ဥပုသ်ကျိုးသွားပြီ ဖြစ်တဲ့အတွက်ကြောင့် ဘုရားစင်ရှေ့မှာ ပြန်ပြီး ရှစ်ပါးသီလ တောင်းခံပြီး ပြန်ဆက်စောင့်လျှင် ဖြစ်နိုင်ပါသလား
၃။ တပည့်တော် တခြားမြို့ရှိ ဘုန်းကြီးကျောင်းအား ၀တ္ထုကပ်လှူချင်ပါသည်။ ကိုယ်တိုင်ကိုယ်ကျ မသွားနိုင်သောကြောင့် လူကြုံဖြင့် ပေးလိုက်ရပါသည်။ ကိုယ်တိုင်မကပ်လှူနိုင်သောကြောင့် အကျိုးပေး နဲသွားပါသလား
ကျေးဇူးအထူးတင်ရှိပါသည်။ အရှင်ဘုရားကျန်းမာပါစေ..
သင်းသင်းအေး
(MYANMAR TASAKI CO., LTD.)

A. ၁။ ၈ပါးသီလကို ဘုရားစင်ရှေ့မှာလည်း တောင်းခံပြီး ဆောက်တည်လို့ ရပါတယ်။ ဒါပေမယ့် ဘုရားစင်ရှေ့မှာ ဆောက်တည်တဲ့အခါမှာတော့ အာမဘန္တေဆိုတဲ့ စကားလုံးတွေ ဆိုစရာမလိုပါဘူး။ အာမဘန္တေဆိုတာ အရှင်ဘုရား ကောင်းပါပြီဘုရားလို့ အဓိပ္ပါယ်ရတဲ့ ၀န်ခံပါဠိစကား ဖြစ်ပါတယ်။ ဒီစကားလုံးဟာ ရှေ့ကတိုင်ပေးချပေးတဲ့ သီလပေးတဲ့ ရဟန်းသံဃာတော်များ ရှေ့မှာ သီလယူမှသာ ဆိုရမယ့် စကားလုံး ဖြစ်ပါတယ်။ ဒါကြောင့် ကိုယ့်ဖာသာကိုယ် တစ်ယောက်တည်း ဘုရားစင်ရှေ့မှာ သီလယူတဲ့အခါ အာမဘန္တေတွေ မဆိုတော့ဘဲ သီလတောင်း၊ နမောတဿဆို၊ သရဏဂုံဆောက်တည်ပြီး နောက်ဆုံး သီလသိက္ခာပုဒ်တွေကို ဆောက်တည်ရုံပါပဲ။ ဒါဆို ဘုရားရှေ့မှာ သီလခံယူမှု အထမြောက်အောင်မြင်သွားပါပြီ။

၂။ မုသာဝါဒနဲ့ ပတ်သက်ပြီး ဘုရားရှင်ကတော့ သားတော်ရာဟုလာကို “ချစ်သား ရာဟုလာ မုသားဆိုလျင် ရယ်ဖွယ်မျှပင် မပြောနဲ့”လို့ မိန့်တော်မူပါတယ်။ ဘာဖြစ်လို့လဲဆိုရင် မုသာဝါဒ ကျူးလွန်မိသူဟာ မလုပ်နိုင်တဲ့ အကုသိုလ် မရှိလို့ပဲလို့ ဆိုပါတယ်။ ဒါက မုသာဝါဒရဲ့ အပြစ်ကို ပြောတာပါ။ သီလသိက္ခာပုဒ်ပိုင်းမှာတော့ မုသာဝါဒကံမြောက်နိုင်တဲ့ အင်္ဂါရပ်တွေ ရှိပါတယ်။ မုသားပြောတဲ့ပုဂ္ဂိုလ်ဟာ ၁။ မမှန်သော အကြောင်းအရာဖြစ်ခြင်း ၂။ မှားယွင်းစေလိုသောစိတ်ရှိခြင်း ၃။ ထိုစိတ်ဖြင့်လုံ့လပြုခြင်း ၄။ မိမိလိမ်ညာ ပြောဆိုနေသည်ကိုသိခြင်း ဆိုတဲ့ ဒီအင်္ဂါရပ် လေးပါးလုံးနဲ့ ပြည့်စုံရင် မုသာဝဒါကံမြောက်ပြီး ဒီသိက္ခာပုဒ်လည်း ကျိုးပြတ်ပါတယ်။ အဲဒီလိုမှ မဟုတ်ဘဲ ဒီအင်္ဂါတွေနဲ့ မညီဘူးဆိုရင်တော့ ကံမမြောက်တဲ့အတွက် သိက္ခာပုဒ်မပျက်ပါဘူး။ ဒါပေမယ့် မုသာဝါဒသိက္ခာပုဒ်တော့ ညစ်နွမ်းပါတယ်။ ဒီလို ကျူးလွန်မိပေမယ့် အင်္ဂါရပ်တွေနဲ့ မပြည့်စုံတဲ့အတွက် သိက္ခာပုဒ် မကျိုးဘူးဆိုရင် ဘုရားရှေ့မှာ ထပ်ပြီးယူစရာမလိုပါဘူး။ သတိပြန်ဝင်ချိန်ကစပြီး နောင်ဒီလိုမဖြစ်အောင် ပြန်စောင့်ထိန်းမယ်ဆိုရင် ရပါတယ်။

ဒီနေရာမှာ သတိထားရမှာက သီလသိက္ခာပုဒ်တွေဟာ တစ်ပုဒ်ချင်းယူထားရင် တစ်ခုကျိုးသွားတဲ့အခါ တစ်ခုပဲ ပျက်ပါတယ်။ တစ်ပုဒ်ချင်းယူတယ်ဆိုတာ ပါဏာတိပါတာ ဝေရမဏိသိက္ခာပဒံ သမာဒိယာမိ၊ အာဒိန္နာဒါန… စသဖြင့် ယူချင်းကိုဆိုပြီး ပေါင်းယူတယ်ဆိုတာက အဋ္ဌင်္ဂသမ္ပန္နံဂတံ ဥပေါသထသီလံ သမာဒိယာမိလို့ဆိုပြီး ဆောက်တည်တာကို ပြောတာပါ။ ပေါင်းယူထားရင်တော့ တစ်ခုကျိုးရင် အားလုံးပျက်ပါတယ်။ ခုနက ပြောသလို အင်္ဂါရပ်တွေနဲ့ ညီလို့ သိက္ခာပုဒ် ကျိုးပေါက်သွားရင်တော့ ပြန်ယူပြီး ပြန်ဆောက်တည်နိုင်ပါတယ်။ ဒါပေမယ့် တစ်နေ့တာ ဆောက်တည်မှုမျိုးတော့ မဖြစ်တော့ဘူးပေါ့။ အချိန်ပိုင်း ဆောက်တည်တဲ့ ပုံစံမျိုးပဲ ဖြစ်သွားမှာ ဖြစ်ပါတယ်။ ဘယ်လိုပဲ ဖြစ်ဖြစ် မကျူးလွန်မိအောင် ထိန်းနိုင်တာက အကောင်းဆုံးပါပဲ။ ဥပုသ်သီလလို့ ဆိုတဲ့အတွက် ဥပုသ်နေ့တစ်နေ့လေးမှာပဲ အထူးပြု ဆောက်တည်ကြရာမှာ တစ်နေ့လုံး အစအဆုံး ထိန်းနိုင်အောင် ကြိုးစားတာ အကောင်းဆုံးပါပဲ။ အကြောင်းအမျိုးမျိုးကြောင့် အချိန်ပိုင်းအနေနဲ့ ဆောက်တည်လိုက်ရရင်လည်း ဆောက်တည်တဲ့အခိုက်မှာ အတတ်နိုင်ဆုံး သတိထားနိုင်တာ ကောင်းပါတယ်။

၃။ အလှူဒါနပြုလုပ်တဲ့အခါ အဓိကပြည့်စုံသင့်တဲ့ အင်္ဂါရပ်တွေထဲမှာ စေတနာသုံးတန်ပြဋ္ဌာန်းဖို့က ပထမ အရေးအကြီးဆုံး အချက်ပဲ ဖြစ်ပါတယ်။ ဒုတိယအချက်က လှူဖွယ်ဝတ္ထု သန့်ရှင်းဖို့နဲ့ တတိယအချက်က အလှူခံပုဂ္ဂိုလ်မွန်မြတ်ဖို့ပါ။ ဒီအချက်တွေထဲမှာ စေတနာသုံးတန်ပြဋ္ဌာန်းမှုက ပိုပြီးအရေးကြီးပါတယ်။ စေတနာလည်းပြဋ္ဌာန်း လှူဖွယ်ဝတ္ထုကလည်း သန့်စင်၊ အလှူခံပုဂ္ဂိုလ်ကလည်း မွန်မြတ်ဆိုရင်တော့ အလွန်အကျိုးထူးတဲ့ အလှူဒါနဖြစ်သလို အကျိုးတရားလည်း အပြည့်ရစေမှာဖြစ်ပါတယ်။ ဒီအင်္ဂါရပ်တွေအရ ကိုယ်တိုင်ကိုယ်ကျ လှူမှုမလှူမှုထက် စေတနာသုံးတန် ဖြူစင်မှု မဖြူစင်မှုက ပိုပြီး အရေးကြီးတယ်ဆိုတာ ထင်ရှားပါတယ်။ ဒီအင်္ဂါရပ်တွေနဲ့ ပြည့်စုံပြီး ကိုယ်တိုင်ကိုယ်ကျလည်း ရိုရိုသေသေ ပေးလှူနိုင်မယ်ဆိုရင်တော့ အချိုပေါ် သကာလောင်းသလို ပိုပိုပြီး အကျိုးကြီးစေမှာ ဖြစ်ပါတယ်။ ကိုယ်တိုင်မလှူနိုင်လို့ တစ်ဆင့်ခံလှူဒါန်းတဲ့ အခါမှာလည်း စေတနာပြဋ္ဌာန်းပြီး လှူဒါန်းနိုင်ရင် ဒီအလှူဟာ အကျိုးအပြည့်အ၀ ရစေနိုင်တဲ့ အလှူပဲ ဖြစ်ပါတယ်။ အဓိကကတော့ စေတနာပဲ ဖြစ်ပါတယ်။