ဒုက္ခကုို ရင်ဆုိုင်ကြည့်ခြင်း

ဒုက္ခဆုိုတာကတော့ မွေးလာတာ၊ အုိုရတာ၊ နာရတာ၊ သေရတာတွေကုိုက ရှောင်လွဲလုို့မရတဲ့ ဆင်းရဲတွေ ဖြစ်နေတဲ့အတွက် ကျန်တဲ့ရုပ်ပုိုင်းဆုိုင်ရာ၊ စိတ်ပုိုင်းဆုိုင်ရာ ဒုက္ခတွေဆုိုတာ ဒီသဘာဝ ဒုက္ခတွေနဲ့စာရင် အသေးအဖွဲလေးတွေလုို့ပဲ ပြောရမှာဖြစ်ပါတယ်။ ဒုက္ခအစုဖြစ်တဲ့ ရုပ်နာမ်နှစ်ခု ပုိုင်ဆုိုင်ထားသမျှ ချမ်းသာပါတယ်လုို့ ပြောနေတဲ့သူတွေ၊ ပြည့်စုံပါတယ်လုို့ ပြောနေသူတွေလည်းပဲ ဒုက္ခတရားတွေက ပြည့်နေကြတာပဲ ဖြစ်ပါတယ်။

ကုိုယ်ဆင်းရဲခြင်း ကာယိကဒုက္ခနဲ့ စိတ်ဆင်းရဲခြင်း စေတသိကဒုက္ခဆုိုတာ ရုပ်နာမ်နှစ်ခုကုို အမှီပြုပြီး ဖြစ်ပေါ်တတ်တာ ဖြစ်တဲ့အတွက် နာမ်ရုပ်နှစ်ခုနဲ့ တည်ဆောက်ထားတဲ့ သတ္တဝါမှန်သမျှ မလွဲမသွေ ကြုံတွေ့ကြရမှာပဲ ဖြစ်ပါတယ်။ အဲဒီလုို တွေ့ကြုံလာတဲ့အခါမှာ ဒီဒုက္ခကုို ဒုက္ခလုို့ အမှန်အတုိုင်း သိမြင်လက်ခံနုိုင်တဲ့သူက သက်သောင့်သက်သာ ဖြစ်သွားမှာပဲ ဖြစ်ပါတယ်။ ဘုရားရဟန္တာ အရှင်မြတ်ကြီးတွေတောင်မှ ခန္ဓာဝန် ဒုက္ခဆုိုတာ ရှိနေသေးတော့ သာမန်သူတွေအနေနဲ့ ရုပ်ကုိုအမှီပြုပြီး ဒုက္ခဖြစ်တယ်ဆုိုတာ ထူးဆန်းတာတော့ မဟုတ်ပါဘူး။ အဲထူးဆန်းသွားတာကတော့ ဒီခန္ဓာအစုကုို အမှီပြုပြီး ဒုက္ခကုို ရင်ဆုိုင်နုိုင်ခြင်းပဲ ဖြစ်ပါတယ်။

ဒီလုို ရင်ဆုိုင်လက်ခံနုိုင်ဖုို့ဆုိုရင်  ဖြစ်ပေါ်လာတဲ့ အမည်သတ်မှတ်ချက် ဒုက္ခအပေါ်မှာလုိုက်ပြီး အဲဒီဒုက္ခကုို အမှန်အတုိုင်း လက်ခံနုိုင်အောင် ကြိုးစားဖုို့ပဲ ဖြစ်ပါတယ်။ လက်ခံဖုို့ဆုိုတာ လုိုက်ခံစားဖုို့မဟုတ်ပါဘူး။ ဒုက္ခကုို ဒုက္ခလုို့ သိထားဖုို့ပဲ ဖြစ်ပါတယ်။ သိရုံနဲ့ ဒီဒုက္ခက လွန်မြောက်မှာလားဆုိုတော့ သိရုံနဲ့တော့ မရဘူးပေါ့။ အကြောင်းကုိုရှာပြီး ပယ်ကြည့်မှပဲ ရမှာဖြစ်ပါတယ်။ ဒုက္ခဘာကြောင့် ဖြစ်တယ်ဆုိုတဲ့ အကြောင်းကုို သိပြီးပယ်ရင် အဲဒီဖြစ်ပေါ်လာမယ့် အကျိုးဒုက္ခဆုိုတာလည်း ပျောက်ကွယ်သွားမှာ ဖြစ်ပါတယ်။

အဓိကကတော့ ဆင်းရဲဒုက္ခမှန်သမျှ အကြွင်းမဲ့ မပယ်နုိုင်သေးခင်မှာ လက်ရှိအနေထားအရ ဒုက္ခကုို ဒုက္ခလုို့ အမှန်အတုိုင်းသိပြီး လက်ခံနုိုင်ဖုို့ပဲ ဖြစ်ပါတယ်။ လက်ခံနုိုင်တယ်ဆုိုတာ ပင်ပန်းဆင်းရဲစွာ လုိုက်ခံစားပြီး လက်ခံမှုမျိုး မဟုတ်ဘဲ ဒါဟာ ဒုက္ခရဲ့ သဘောပဲလုို့ ကုိုယ့်ဒုက္ခကုို မြင်အောင်ကြည့်ပြီး အသိနဲ့ ခွါနုိုင်အောင် ကြိုးစားဖုို့ပဲ ဖြစ်ပါတယ်။ ဒုက္ခကုို ခံစားဖို့မဟုတ်ဘဲ ဒုက္ခကုို သိပြီးအပြစ်မဖြစ်အောင် အလိုက်သင့် နေတတ်ဖုို့ပဲ ဖြစ်ပါတယ်။ ဒီနည်းကတော့ ပစ္စုပ္ဗန်ကာလမှာ အခုိုက်အတန့်အားဖြင့် ဒုက္ခကုို ရင်ဆုိုင်လက်ခံ ခွာကြည့်တဲ့ သဘောပဲ ဖြစ်ပါတယ်။

မြတ်စွာဘုရားရှင်ကလည်း ဒုက္ခဆုိုတာ ပယ်ရမယ့်တရားမဟုတ်ဘဲ အမှန်အတုိုင်း သိရမယ့်တရားလုို့ မိန့်တော်မူပါတယ်။ တကယ်ပယ်ရမှာက အဲဒီ ဒုက္ခကုိုဖြစ်ပေါ်စေတဲ့ တဏှာသမုဒယပဲ ဖြစ်ပါတယ်။ အဲဒီဟာကုို ပယ်နုိုင်ရင်တော့ ဒုက္ခတရားက အမှန်ငြိမ်းမှာပဲ ဖြစ်ပါတယ်။ လက်တွေ့ပုိုင်းမှာ အဲဒီအကြောင်းတရားကုို မပယ်နုိုင်သေးဘူးဆုိုရင်တော့ အကျိုးတရားဖြစ်တဲ့ လက်ရှိဖြစ်ပေါ်နေတဲ့ ဒုက္ခအပေါ်မှာ အမှန်အတုိုင်း သိရှိလက်ခံနုိုင်အောင် ကြိုးစားဖုို့ပဲ ဖြစ်ပါတယ်။ ငါ့ကျမှလာပြီး ဒီလုိုဒုက္ခမျိုး ဖြစ်ရတယ်ဆုိုပြီး ဒုက္ခအပေါ် နာကျင်မှုနဲ့ လုိုက်မခံစားဘဲ အဲဒီဖြစ်ပေါ်နေတဲ့ ဒုက္ခကုို သိရှိလက်ခံကာ ဒုက္ခကုို ဒုက္ခလုို့ပဲ မြင်ကြည့်နုိုင်အောင် ကြိုးစားရမှာ ဖြစ်ပါတယ်။ ဒုက္ခရဲ့ သဘောအမှန်ကုို သိရှိသွားတယ်ဆုိုရင် ဒီဒုက္ခအပေါ်လည်း ခံနုိုင်ရည် ရှိလာတာပဲ ဖြစ်ပါတယ်။ ခံနုိုင်တာဟာ လုိုက်ပြီးခံစားတာ မဟုတ်ဘဲ အစစ်အမှန် သဘောသဘာဝကုို သိထားတဲ့အတွက် မတုန်မလှုပ် ရင်ဆုိုင်လာနုိုင်ခြင်း သဘောမျိုးပဲ ဖြစ်ပါတယ်။

ဒုက္ခကုို မတုန်မလှုပ် ရင်ဆုိုင်နုိုင်စေတဲ့ နည်းတွေထဲမှာ မြတ်ဗုဒ္ဓရဲ့ ဝေဒနာကုို ဆင်ခြင်တဲ့နည်းက အကောင်းဆုံးပဲ ဖြစ်ပါတယ်။ ဝေဒနာဆုိုတာ ခံစားခြင်းကို ပြောတာဖြစ်တဲ့အတွက် ကုိုယ့်သန္တာန်မှာ ဘယ်လုိုခံစားမှုပဲ ဖြစ်ဖြစ်၊ ကောင်းတာဆုိုလည်း ကောင်းတဲ့သဘောကုို သိနုိုင်အောင်ကြိုးစား၊ မကောင်းတာဆုိုလည်း မကောင်းတဲ့ သဘောကုို သိအောင်ကြိုးစားပြီး အရှိအတုိုင်းလေး ဆင်ခြင်နေဖုို့ပဲ ဖြစ်ပါတယ်။ ခံစားချက်ဆုိုတဲ့ သဘောက သိရင် အစွဲမရှိဘဲ မသိရင်သာ စွဲနေတတ်တာဖြစ်ပါတယ်။ ကုိုယ့်မှာ ဘယ်လုို ခံစားချက် ဖြစ်နေတယ်ဆုိုတာ မသိလုို့ရှိရင် ကောင်းရင်လည်း ကောင်းတဲ့အပေါ်မှာ သာယာတဲ့ လောဘတဏှာလေးနဲ့ လုိုက်ခံစားနေတတ်သလုို မကောင်းရင်လည်း မကောင်းတဲ့အပေါ်မှာ ဒေါသအဃာတလေးနဲ့ လုိုက်ပြီးခံစားနေတော့တာ ဖြစ်ပါတယ်။ တစ်ခါတလေ ဘာခံစားနေမှန်းကုို မသိတဲ့ မောဟလေးတွေနဲ့လည်း လုိုက်ခံစားနေတတ်ပြန်ပါတယ်။ အဲဒီ မသိမှုနဲ့ လုိုက်ခံစားနေသမျှတော့ အဲဒီ ခံစားမှုရဲ့နောက်မှာ ဒုက္ခက သေချာပေါက် ရောက်နေတော့တာ ဖြစ်ပါတယ်။ ဒါကြောင့် ဒီလုို ဒုက္ခတွေ မရောက်ရအောင် ဒုက္ခကုို ရင်ဆုိုင်တဲ့အခါမှာ အရှိအတုိုင်းသိပြီး အမှန်အတုိုင်း ဆင်ခြင်နုိုင်အောင် ကြိုးစားရမှာ ဖြစ်ပါတယ်။

တစ်လောက ဒကာမတစ်ယောက်နဲ့ တွေ့တော့သူက တပည့်တော် သိပ်ခံစားပြီး ဒုက္ခဖြစ်နေတယ်ဘုရားလုို့ လျှောက်ပါတယ်။ ဒါနဲ့သူ့စကားနဲ့ သူကုိုပြန်ပြောရပါတယ်။ ဒကာမပြောသလုိုပဲ ဒုက္ခဖြစ်နေတာ ဒကာမကုိုယ်တုိုင်က ခံစားနေလုို့ ဖြစ်တာပါလုို့ ပြောပြပေးဖြစ်ပါတယ်။ ဟုတ်ပါတယ်။ ခံစားနေတာဆုိုတော့ ခံစားမှုရဲ့နောက်မှာ ဘယ်လုိုခံစားမှုပဲဖြစ်ဖြစ် ရောက်လာမှာက ဒုက္ခဆိုတဲ့ ဆင်းရဲခြင်းပဲ ဖြစ်ပါတယ်။ ကောင်းတာလေးတွေဆုိုပြီး လုိုက်ခံစားကြည့် အဲဒီရဲ့နောက်မှာ ကောင်းတဲ့ခံစားချက်ကြောင့် ဖြစ်ရတဲ့ ဒုက္ခဆုိုတာ ရှိကုိုရှိနေတာ ဖြစ်ပါတယ်။ ကောင်းတာဆုိုပြီး များများခံစားရင်လည်း အဲဒီ ခံစားတာနဲ့အမျှ ဒုက္ခတွေက ကပ်ပါနေတတ်တာ ဖြစ်ပါတယ်။ မကောင်းတာကတော့ အထူးပြောစရာတောင် လုိုမယ်မထင်ပါဘူး။ အရင်းစစ်တော့ ခံစားနေလုို့သာ ဒုက္ခဖြစ်နေကြတယ်ဆုိုတာ တွေ့ကြရမှာ ဖြစ်ပါတယ်။

ဆုိုလုိုတာက သတ္တဝါတုိုင်း မလုိုချင်တဲ့ ဒုက္ခဟာ တဏှာချုပ်ပြီး ဘဝဇာတ်သိမ်းမှပဲ ငြိမ်းမှာဖြစ်ပေမယ့် အဲဒီအချိန်ကို မရောက်ခင် အခုိုက်အတန့်မှာ ဒုက္ခလေးတွေ သက်သောင့်သက်သာ ဖြစ်ဖုို့အတွက် ဒုက္ခကုို လုိုက်မခံစားဖုို့ ဒုက္ခကုို လက်ခံနုိုင်အောင် ကြိုးစားရမှာဖြစ်ကြောင်း၊ အစွဲတရားနဲ့ လက်ခံဖုို့မဟုတ်ဘဲ အမှန်အတုိုင်း သိနုိုင်အောင် ကြိုးစားဖုို့ ဖြစ်ကြောင်း၊ ဒုက္ခဆုိုတာ လုိုက်ပြီးခံစားနေလုို့ ဖြစ်ပေါ်လာတာ ဖြစ်တဲ့အတွက် ဘယ်လုိုခံစားမှုမျိုးပဲ ဖြစ်ဖြစ် လုိုက်ပြီး မခံစားဖုို့ လေ့ကျင့်ကြရမှာ ဖြစ်ကြောင်း၊ ခံစားချက်ဆုိုတာ မသိရင် စွဲလန်းတတ်တဲ့အတွက် ဘာလုိုခံစားမှုမျိုးပဲ ဖြစ်ပေါ်ဖြစ်ပေါ် အမှန်အတုိုင်း အရှိအတုိုင်း သိနုိုင်အောင် ကြိုးစားရမှာ ဖြစ်ကြောင်း၊ အဲဒီလုို ကုိုယ်စိတ်အပေါ်မှာ ဖြစ်သမျှကုို သိနေမယ်ဆုိုရင် အစွဲလျော့လာပြီး အစွဲနည်းရင်း ဒုက္ခလည်း နည်းလာမှာဖြစ်ကြောင်း၊ ဒါဟာ လက်တွေ့ဘဝမှာ ဒုက္ခ ရင်ဆုိုင်နည်းတစ်မျိုးပဲ ဖြစ်ကြောင်း စသဖြင့် ဆုိုလုိုတာ ဖြစ်ပါတယ်။

ဒါကြောင့် ဘဝမှာ ခန္ဓာကုိုယ်ကုို အကြောင်းပြုပြီးပဲ ဖြစ်ဖြစ်၊ စိတ်ကုိုအကြောင်းပြုပြီးပဲ ဖြစ်ဖြစ် ဒုက္ခတွေ ဖြစ်ပေါ်နေကြတဲ့ သူတွေအနေနဲ့ ကုိုယ့်ကုိုယ်ကုို ဆင်ခြင်ကြည့်ရမှာက ဒီလုို နာမ်ရုပ်အစုကုို အပုိုင်ပြုပြီး မွေးဖွားလာတာကုိုက ဒုက္ခကြီးကုို ပုိုက်ပြီးမွေးထားတာ ဖြစ်တဲ့အတွက် ရုပ်နာမ်ရှိလုို့ ဒုက္ခရှိတဲ့အပေါ်မှာ အမှန်အတိုင်း သတိပြုဆင်ခြင်ပြီး နဂုိုရှိတဲ့ ဒုက္ခအစုကုို ပုိုပြီး မကြီးသွားအောင်၊ ရှိနေတဲ့ ဒုက္ခအစုကုို သက်သောင့်သက်သာ ဖြစ်သွားအောင် ကုိုယ့်ကုိုယ်ကုို သတိပြုဆင်ခြင်ကာ ဒုက္ခကုို အမှန်အတုိုင်း လက်ခံတတ်တဲ့ အကျင့်လေးနဲ့သာ အစွဲမပါတဲ့ အသိနဲ့ နေနုိုင်အောင် ကြိုးစားလေ့ကျင့်ကြရမှာဖြစ်ကြောင်း တုိုက်တွန်းလုိုက်ရပါတယ်။