တစ်နေ့က နိုင်ငံခြားမှာ ရောက်နေတဲ့ အရင်းနှီးဆုံး ဒကာမတစ်ယောက်နဲ့ အွန်လုိုင်းမှာ တွေ့ဖြစ်ခဲ့ပါတယ်။ တွေ့တွေ့ချင်းသူက “အရှင်ဘုရား မကျိန်းသေးဘူးလားဘုရား၊ တပည့်တော်တုို့ဆီမှာ သန်းခေါင်ကျော်လုို့ (၁)နာရီတောင် ထုိုးပြီးသွားပြီဘုရား” ဆုိုပြီးမေးရင်း နှုတ်ဆက်စကားပြောလာပါတယ်။ ဘုန်းဘုန်းလည်း အတော်အံ့သြသွားတယ်။ “အင်… ဒကာမရေ ဘုန်းဘုန်းက မအိပ်သေးတာမဟုတ်ဘူး၊ အိပ်ပြီးလုို့ အရုဏ်တောင် ဘုဉ်းပေးပြီးသွားပြီ”လုို့ ပြန်ပြောတော့မှ “OH MY BUDDHA”လုို့ဆုိုကာ သူ့ကုိုယ်သူ ဘုရားတပါတယ်။ ဒါနဲ့ ဘုန်းဘုန်းကပဲ “ ဒကာမက ခုချိန်ထိ မအိပ်သေးဘဲ ဘာလုပ်နေတာလဲ”လုို့ ထပ်ပြီးမေးလုိုက်တော့ “တပည့်တော် အိပ်မရလုို့ဘုရား၊ စိတ်ဖိစီးမှုတွေက အရမ်းများပြီး အလုပ်နဲ့ ပတ်သက်တဲ့ ဖိအားတွေနဲ့ အိပ်လုို့မရဘူးဘုရား၊ တပည့်တော်မလေ တစ်ခါတခါ ကုိုယ့်ကုိုယ်ကုို ဒီဘဝမှာ နေတောင်မနေချင်လောက်အာင်ကုို ဖြစ်ရပါတယ်ဘုရား” စသဖြင့် ပြန်ပြောလာပါတယ်။ ဒကာမရဲ့ ခံစားချက်အတွက် ကုိုယ်ချင်းစာမိသလုို ဒီခံစားချက်တွေ သက်သာအောင် ဘုန်းဘုန်းလည်း တတ်နုိုင်သလောက် အားပေးစကား၊ အားပေးတရား ဟောဖြစ်ခဲ့ရပါသေးတယ်။
ဒါက ဘုန်းဘုန်းနဲ့ နီးစပ်သူတွေရဲ့ လက်တွေ့ခံစားချက်လေးတွေအကြောင်း တစေ့တစောင်းပဲ ဖြစ်ပါတယ်။ ဒီနေမှာ ဘုန်းဘုန်းပြောချင်တာက အဲဒီဒကာမလုို ခံစားချက်တူ၊ စိတ်ဖိစီးမှု အပူတွေနဲ့ တငူငူဖြစ်နေကြတဲ့ သူသူငါငါ ပုဂ္ဂိုလ်အဖြာဖြာရဲ့ ခံစားမှုလေးတွေအကြောင်း၊ စိတ်ဖိစီးမှုလေးတွေ အကြောင်းပဲ ဖြစ်ပါတယ်။ ဟုတ်တယ်။ ဒီအကြောင်းနဲ့ ပတ်သက်ပြီး အဲဒီဒကာမနဲ့ ပြောဖြစ်တုန်းက ဘုန်းဘုန်းက “ဘဝဒုက္ခဆုိုတာ ကုိုယ့်ကုိုယ်ကုို အဆုံးစီရင်လုိုက်လုို့ ပြီးသွားမယ်ဆုိုရင် ဒုက္ခကုိုယ်စီ ရှိနေကြတဲ့ သတ္တဝါအားလုံး ဒီလုိုပဲ လုပ်နေကြမှာပေါ့။ အရှင်ဘုရားတုို့ ကုိုယ်တုိုင်လည်း အဲဒီလုို ဖြေရှင်းမှာပေါ့။ ဒါပေမယ့် ဘဝသံသရာဆုိုတာ ဒီလုို မပြီးဘူးလေ။ ဒုက္ခဆုိုတာ ဒီဘဝရုပ်ရလုို့ ဖြစ်ရတာဆုိုပြီး ရုပ်အကောင်ကုို အဟုတ်ပြောင်အောင် အဆုံးစီရင်ပေမယ့် တကယ်မပြတ်သေးတဲ့ ကိလေသာတွေက နောက်ဘဝ နောက်ခန္ဓာမှာလည်း ဒီလုိုပဲ ထပ်ဖြစ်နေမှာဆုိုတော့ အဲဒီလုို ဘဝသစ်ဖြစ်တုိုင်း ကုိုယ့်ကုိုယ်ကုို အဆုံးစီရမယ်ဆုိုရင် ဆုံးမှာကုို မဟုတ်တော့ပါဘူး၊ တကယ်ဖြစ်သင့်တာက ဒုက္ခကုိုရင်ဆုိုင်၊ စိတ်ဖိစီးမှုကုို ယှဉ်ပြိုင်ပြီး ခံနုိုင်ရည်ရှိအောင် ကြိုးစားနေထုိုင် လေ့ကျင့်ဖုို့ပဲ ဖြစ်ပါတယ်” စသဖြင့် အားပေးနှစ်သိမ့် ဖြစ်ခဲ့ပါတယ်။
အမှန်တော့ စိတ်ဖိစီးမှု ဖြစ်တယ်ဆုိုတာ စိတ်ကအာရုံတွေရဲ့ ဆွဲရာကုို ပါသွားပြီး အဲဒီအစွဲတရားတွေမှာ လုိုက်ခံစားနေမိလုို့ပဲ ဖြစ်ပါတယ်။ အာရုံဆုိုတာကလည်း သိတဲ့အတုိုင်းပဲ အဆင်းပဲဖြစ်ဖြစ်၊ အသံပဲဖြစ်ဖြစ်၊ အနံ့ပဲဖြစ်ဖြစ်၊ အရသာပဲ ဖြစ်ဖြစ်၊ အတွေ့အထိပဲ ဖြစ်ဖြစ် ကောင်းရင်လည်းစွဲ၊ မကောင်းရင်လည်း စွဲနေတတ်တဲ့ သဘောရှိပါတယ်။ ဘယ်လုိုပဲဖြစ်ဖြစ် စွဲသွားတယ်ဆုိုရင် အဲဒီအစွဲဟာ ကုိုယ့်စိတ်ကုို သက်သောင့်သက်သာ ဘယ်တော့မှ ဖြစ်စေတဲ့ သဘောမရှိပါဘူး။ အစွဲရဲ့ သဘောက အစွဲများလေ အလွဲများလေပဲ ဖြစ်ကာ စွဲရာနောက်မှာ ခံစားမှုလည်း ရောက်လာနေတော့တာ ဖြစ်ပါတယ်။ အဲဒီလုို စွဲရာခံစားရာက ကုိုယ်မနှစ်သက်တဲ့အရာ၊ ကုိုယ်မကြိုက်တဲ့အရာ၊ ကုိုယ်သဘောမကျတဲ့ အရာတွေမှာ ခံစားမိတဲ့အခါ စိတ်မှာအနာရတဲ့အထိ ဖြစ်သွားတတ်တဲ့ သဘောပဲ ဖြစ်ပါတယ်။ စိတ်ဖိစီးတယ်ဆုိုတာ တစ်နည်းအားဖြင့် ပြောရင်စိတ်အနာ ရသွားခြင်းပဲ ဖြစ်ပါတယ်။ စိတ်မှာနာသွားပြီဆုိုရင် သတ္တဝါတွေဟာ ကျန်တဲ့အနာတွေထက်ကုို ပုိုပြီးခံစားရတော့တာ ဖြစ်ပါတယ်။ အရင်းစစ်တော့ စိတ်ဖိစီးတယ်ဆုိုတာ အာရုံတွေရဲ့ စွဲရာနောက်ကုို စိတ်ကလုိုက်မိရာက အဲဒီအစွဲတရားက ကုိုယ့်စိတ်ကုို ပြန်ဖိစီးရင်း စိတ်ခံစားချက်ဖြစ်ကာ စိတ်မှာအနာရသွားခြင်းပဲ ဖြစ်ပါတယ်။
ဒီလိုဆုိုတော့ အဲဒီစိတ်ခံစားမှု အစွဲတွေဟာ ဘာကြောင့်ဖြစ်ရတာလဲလုို့ ဆုိုရင် မသိလုို့ ဖြစ်ကြတာပဲ ဖြစ်ပါတယ်။ စိတ်မှာဖြစ်ပေါ်လာတဲ့ အာရုံတွေ၊ အတွေးတွေ၊ ခံစားမှုတွေကို သတိနဲ့ယှဉ်ပြီး မသိတဲ့အတွက် အဲဒီမသိမှုက အစွဲတရားကို ဖြစ်ပွားစေတာဖြစ်ပါတယ်။ စိတ်ဆိုတဲ့သဘောက သိရင်စွဲစရာအကြောင်းမရှိဘဲ မသိလုို့ စွဲသွားကြခြင်းပဲ ဖြစ်ပါတယ်။ ဆုိုကြပါစုို့။ အသံဆုိုတဲ့ အာရုံတစ်ခုခုကုို အသံဆုိုတဲ့ သဘောသဘာဝလုို့ မသိတဲ့အခါကျတော့ အဲဒီအသံပေါ်မှာလုိုက်စွဲသွားပြီး ကောင်းတဲ့အသံ၊ မကောင်းတဲ့အသံ၊ ကြိုက်တဲ့အသံ၊ မကြိုက်တဲ့ အသံ၊ ချီးမွန်းသံ၊ ကဲ့ရဲ့သံ စသဖြင့် ခံစားမိသွားတော့တာ ဖြစ်ပါတယ်။ ခံစားမိပြီဆုိုရင် ကောင်းရင်လုိုချင်မှုတွေဖြစ်ပြီး မကောင်းရင် မလုိုချင်မှုတွေ ဖြစ်စေကာ လုိုချင်တဲ့သဘော၊ မလုိုချင်တဲ့ သဘောဆုိုတာ လောဘ၊ ဒေါသရဲ့ သဘောတွေပဲ ဖြစ်ပါတယ်။ ဒီသဘောအတိုင်းပဲ စိတ်ဖိစီးမှု ဖြစ်တယ်ဆုိုတာဟာလည်း အာရုံအပေါ်မှာ စွဲလန်းမိရာက အဲဒီအစွဲကို မသိဘဲ လိုက်ခံစားရာက ဒီခံစားချက်က ကုိုယ့်စိတ်ကုို ပင်ပန်းစေကာ ဖိအားတွေဖြစ်သွားခြင်းပဲ ဖြစ်ပါတယ်။ အရင်းစစ်တော့ အားလုံးဟာ မသိလုို့ စွဲကြတော့တာပဲ ဖြစ်ပါတယ်။
ဆိုတော့ကား အာရုံနောက်ကို စိတ်ကလုိုက်မိရာက ဖြစ်ပေါ်လာတဲ့ ခံစားချက် အစွဲတရားကြောင့် စိတ်မှာဖိအားတွေ၊ အနာတွေ ဖြစ်လာကြတဲ့ သဘောမှာ ဒီဖိအားတွေက ရုန်းထွက်နုိုင်အောင် အမြန်ဆုံး ကြိုးစားကြရမှာဖြစ်ပါတယ်။ ပုထုဇဉ် သဘာဝ မသိလုို့ စွဲကြတာ၊ ခံစားကြတာတွေဟာ ဖြစ်တတ်ပေမယ့် ဒီသဘောကုို သိလာရင်တော့ အဲဒီဖိအားတွေ၊ ခံစားမှုတွေကနေ သက်သောင့်သက်သာ ဖြစ်အောင်တော့ လေ့ကျင့်ကြရမှာ ဖြစ်ပါတယ်။ စိတ်ဖိစီးလုို့ ဒုက္ခဖြစ်လုို့ဆုိုပြီး ရုန်းမထွက်ဘဲ ဒီအတုိုင်း လုိုက်ပြီးခံစားနေမယ်ဆုိုရင်တော့ အဲဒီခံစားမှုက ကြာရင်ကုိုယ့်ကုို အနုိုင်ယူသွားမှာ အမှန်ပဲဖြစ်ပါတယ်။ ဒါကြောင့် ဒီဖိအားတွေ၊ ခံစားမှုတွေကနေ အမြန်ရုန်းထွက်ကြည့်ကြရမှာ ဖြစ်ပါတယ်။
ရုန်းထွက်ကြမယ်ဆုိုတော့ အကောင်းဆုံးနည်းက တရားသဘောနဲ့ ဖြေဆည်ရာကုိုရှာရင်း ရုန်းထွက်ကြရမှာ ဖြစ်ပါတယ်။ ဘဝမှာ လူတုိုင်းကြုံတွေ နေကြရတဲ့ စိတ်ဖိစီးမှုတွေ ကုိုယ့်မှာကြုံတွေ့ ခံစားနေရပြီးဆိုရင် ကုိုယ့်ကုိုယ်ကုို အရင်ဆုံး ကုိုယ်လတ်သန့်ရှင်းပြီး တိတ်ဆိတ်ညိမ်သက်တဲ့ နေရာတစ်ခုခုကုို ရွေးချယ်ကာ သက်သောင့်သက်သာ ရှိတဲ့ ဣရိယာပုတ်နဲ့ မျက်လွှာလေးချပြီး ကုိုယ့်ရဲ့အမူအရာလေးကုို မြင်အောင်ကြည့်ကြည့်လုိုက်ပါ။ အဲဒီအခုိုက်အတန့်မှာ အရင်းတုန်းက ဘာပဲဖြစ်ခဲ့ဖြစ်ခဲ့၊ စိတ်မှာဘယ်လုို ခံစားမှုမျိုးတွေ၊ ဖိအားတွေပဲ ရှိခဲ့ရှိခဲ့ မေ့ပစ်ထားလုိုက်ပါ။ ခန္ဓာကုိုယ်နဲ့ စိတ်ကုို သက်သောင့်သက်သာ ဖြစ်တဲ့ အနေအထားလေးနဲ့ ပြင်ဆင်ပြီး ဝင်လေထွက်လေလေးကို အရှိအတုိုင်းလေးပဲ လုိုက်သိနုိုင်အောင် သတိကပ်ထားပေးလုိုက်ပါ။ အဲဒီလုို လုိုက်ပြီးသိမှတ်နေတဲ့အခုိုက်မှာ သေချာပါတယ် အတွေးတွေ အများကြီးရောက်လာပါလိမ့်မယ်။ စိတ်ဓာတ်မကျပါနဲ့။ ဒါဟာ သမာဓိနည်းနေသေးလုို့ ဖြစ်တဲ့သဘောမျိုးပဲ ဖြစ်တဲ့အတွက် လွတ်သွားလုိုက်၊ ပြန်မှတ်လုိုက်၊ ပြန်သိလုိုက် စသဖြင့် ထပ်ခါထပ်ခါ ဝီရိယလေးတွေထားပြီး ကြိုးစားပွားများဖုို့ပါပဲ။ ဒါဆုိုရင် တဖြည်းဖြည်း သမာဓိလေးတွေ တည်လာပြီး စိတ်အဆင်လည်း ငြိမ်လာကာ ကြာတော့ ငြိမ်လာရာကနေ ကြည်လာမှာ ဖြစ်ပါတယ်။ စိတ်ကြည်လာရင် ခုနကဖြစ်နေတဲ့ စိတ်အစွဲဖိအားတွေ၊ ခံစားချက်တွေဟာလည်း အလုိုလုို ပျောက်ပျက်သွားတော့တာ ဖြစ်ပါတယ်။ ကုိုယ့်အနေနဲ့ကတော့ သတိမလွတ်အောင် သိမှတ်နေဖုို့ပဲ ဖြစ်ပါတယ်။ ဒီနည်းအတုိုင်း စိတ်မှာဖြစ်ပေါ်လာသမျှ ခံစားချက်ကုို သတိကပ်ပြီး သိမှတ်ပေးနုိုင်ပြီဆုိုရင် သေချာပါတယ်။ စိတ်ဖိစီးမှုဆုိုတာ တဖြည်းဖြည်းနဲ့ လျော့နည်းသွားတော့တာ ဖြစ်ပါတယ်။
အချုပ်ပြောချင်တာက စိတ်ဖိစီးမှုတွေ၊ စိတ်ဒုက္ခတွေ ဖြစ်ကြတယ်ဆုိုတာ ကုိုယ့်စိတ်မှာ ဖြစ်ပေါ်နေတဲ့ အရာတွေကုို မသိလုို့ဖြစ်ပြီး မသိရာကနေ အာရုံတွေနောက်ကုို စိတ်ကလုိုက်မိကာ စွဲမိရာက ဖိတ်အားတွေဖြစ်၊ ခံစားချက်တွေဖြစ်ရင်း စိတ်မှာအနာလေးတွေ ဖြစ်သွားတဲ့ သဘောမျိုးပဲ ဖြစ်တဲ့အတွက် ဒီလုိုဖိစီးမှုတွေ၊ ခံစားမှုတွေ မဖြစ်ရအောင် ကုိုယ့်ကုိုယ်ကုို သတိကပ်ပြီး ဘယ်သူကဘာပြောပြော၊ ဘယ်လုိုအသံပဲကြားကြား၊ ဘယ်လုိုအာရုံမျိုးပဲလာလာ လုိုက်ခံစားပြီး လုိုက်မစွဲဖုို့ပဲ ကြိုးစားရမှာဖြစ်ကြောင်း၊ အရာအားလုံးဟာ ခဏလေးဖြစ်ပေမယ့် စွဲနေသမျှ လွဲနေကြဦးမှာ ဖြစ်တဲ့အတွက် ဒီလုိုအလွဲ သံသရာမရှည်အောင် အားလုံးဟာ အချိန်တန်တော့လည်း ပြီးသွားမှာပါပဲလုို့ နှလုံးသွင်းကာ ခံစားမှုကုို ဖြေဆည်နုိုင်အောင် ကြိုးစားရမှာ ဖြစ်ကြောင်း၊ ဒီလုိုဆုိုရင် စိတ်ဖိစီးမှုတွေဟာလည်း သက်သောင့်သက်သာဖြစ်ကာ ခံနုိုင်ရည် ရှိလာမှာဖြစ်ကြောင်း စသဖြင့် ပြောလုိုတာ ဖြစ်ပါတယ်။
ဒါကြောင့် အစွဲတရားကြောင့် အလွဲများကာ ဖိအားတွေအောက် စိတ်တွေရောက်ပြီး စိတ်မှာနာနေကြတဲ့ စိတ်ဝေဒနာရှင်တွေအနေနဲ့ ဒီဖိအားတွေ၊ ခံစားမှုတွေကနေ သက်သောက်သက်သာ ရုန်းထွက်နုိုင်ကြဖုို့ ကုိုယ့်စိတ်ကုို ပြန်မတ် စိတ်မှာ သတိကပ်ပြီး ဘယ်လုိုအာရုံမျိုးမှာပဲ ဖြစ်ဖြစ် အစွဲတရားနဲ့ မခံစားမိအောင် ကြိုးစားပြီး ကုိုယ့်စိတ်မှာ ဖြစ်ပေါ်လာတဲ့ ခံစားမှု မှန်သမျှကုို ဖြစ်ပေါ်လာဆဲ အခုိုက်မှာ သိနုိုင်အောင် ရှုမှတ်ပွားများ နေထုိုင်ကြရမှာ ဖြစ်ပါကြောင်း စေတနာထား၊ မေတ္တာအားနဲ့ အသိစကား ပါးလုိုက်ရပါတယ်။
0 မှတ်ချက်များ (...ရေးရန်):
Post a Comment