တစ်ခါက ဒကာမကြီးတစ်ယောက်နဲ့ တွေ့တော့ အလှူဒါနအကြောင်း၊ အလှူခံပုဂ္ဂိုလ်အကြောင်း စကားစပ်ပြီး ပြောဖြစ်ကြပါတယ်။ “အလှူဒါနဆုိုတာ စေတနာပြတ်ရင် ဘယ်လုိုပုဂ္ဂိုလ်မျိုးကုိုပဲ လှူလှူ အကျိုးတရားကတော့ ရနေကြောင်း၊ ဒါပေမယ့် အလှူခံ ပုဂ္ဂိုလ်ကုိုလုိုက်ပြီး အကျိုးအကြီးအသေးတော့ ကွာခြားကြောင်း” ဘုန်းဘုန်းက ပြောဖြစ်ခဲ့ပါတယ်။ ဒကာမကြီးကလည်း သူဘယ်လုို လှူဖြစ်တဲ့အကြောင်း၊ ဘယ်လောက်လှူဖြစ်ကြောင်း ဘယ်လုိုပုဂ္ဂိုလ်မျိုးတွေကုို လှူဖြစ်ကြောင်း ပြောပြရင်း နောက်ဆုံး သူပြောတဲ့ စကားက “တပည့်တော်မကတော့ သံဃာဆုိုရင် သင်္ကန်းပတ်ထားရင် ပြီးရော ဘယ်လိုသံဃာမျိုးဖြစ်ဖြစ် လှူလုိုက်တာပဲ ဘုရား”ဆုိုတဲ့ အချက်ပဲ ဖြစ်ပါတယ်။ ဒီတော့ ဘုန်းဘုန်းက “ကောင်းပါတယ် ဒကာမကြီး အဲဒီလုို သံဃာကုိုရည်မှန်းပြီး လှူဒါန်းတာ အမတန်ကုို အကျိုးကြီးပါတယ်၊ ဒါပေမယ့် ဒကာမကြီးရေ ဒီနေ့ခေတ်မှာ၊ အထူးသဖြင့် ထေရဝါဒ ဓမ္မကုို အားကောင်းအောင် မနဲရုန်းနေရတဲ့ ဘုန်းဘုန်းတုို့လုို ထေရဝါဒ နုိုင်ငံမျိုးမှာ သံဃာဆုိုပြီးရော ဘာဖြစ်ဖြစ် လှူလုိုက်တဲ့ ပုံစံမျိုးတော့ အခြေအနေအရ မဖြစ်သင့်လှပါဘူး၊ အလှူရှင်တွေ အနေနဲ့ စေတနာပြတ်ရင် ဒါနက မြတ်လှပေမယ့် သာသနာ အားနည်းလာနေတဲ့ အခုလုို ကာလမျိုးမှာ သာသနာကုို ခုတုံးလုပ်ပြီး လုပ်စားနေကြတဲ့ သင်္ကန်းခြုံ လုပ်စားတွေကို ပေးကမ်းလှူဒါန်း ချီးမြှောက်မှုမျိုးကတော့ အဆိပ်ပင် ရေလောင်းသလုိုမျိုး ဖြစ်တတ်တဲ့အတွက် ဒီအပုိုင်းမှာတော့ ဒကာမကြီးတုို့လုို သဒ္ဓါတရား ကောင်းတဲ့သူတွေ အနေနဲ့ အလှူခံ ပုဂ္ဂိုလ်ကုို ရွေးချယ်ပြီး လှူအပ်တဲ့ နေရာမျိုးတွေမှာ လှူနုိုင်အောင် ကြိုးစားသင့်ပါတယ်” စသဖြင့် သာသနာအရေးတွေးလုို့ အကြံလေးတွေ ပေးဖြစ်ခဲ့ပါတယ်။
ဟုတ်ပါတယ်။ ဘုန်းဘုန်းတုို့ ဒီနေ့ခေတ် သာသနာဟာ အပြင်ကကြည့်တော့ သာသာယာယာလေးတွေ ရှိလှပေမယ့် အတွင်းမှာတော့ အနည်းငယ် ခြစားလာနေတာကို တွေ့ရမှာ ဖြစ်ပါတယ်။ သာသနာကုို ခုတုံးလုပ်ကာ လုပ်စားနေကြတဲ့ သင်္ကန်းဝတ်ထားတဲ့ သာသနာအလုပ် မလုပ်သူတွေဟာ သာသနာတော်တွင်းကုို အမျိုးမျိုး ဝင်ရောက်နေရာ ယူလာတာတွေကြောင့် သာသနာတော်မှာ အားနည်းချက်တွေ၊ ထောက်ပြစရာတွေ၊ ဝေဘန်စရာတွေ တစတစ များပြားလာနေတော့တာ ဖြစ်ပါတယ်။ သဒ္ဓါပညာ တရားတွေ ယုတ်လျော့လာနေတဲ့ ခေတ်ဖြစ်တဲ့အတွက်လည်း သာသနာတော်ကုို သဒ္ဓါနဲ့ ကြည်ညိုတဲ့ ပုဂ္ဂိုလ်များ နည်းပါးလာပြီး သာသနာတော်ကို ခုတုံးလုပ်ကာ အနေအစားချောင်လို့ ဝင်လာကြသူတွေ များလာကာ ကိုယ်အနေအစားချောင်ရင်ပြီးရော သာသနာဘာဖြစ်ဖြစ်၊ သံဃာအများစု ဘာဖြစ်ဖြစ် ထည့်မတွက်ကြတဲ့ ပုဂ္ဂိုလ်တွေလည်း တွေ့လာနေရတော့တာ ဖြစ်ပါတယ်။ ပိုဆိုးတာက အဲဒီလို ပုဂ္ဂိုလ်တွေက သာသနာပြု နေပါတယ်လို့ ဂုဏ်ဖော်၊ ဘုရားတရားတော်တွေကို လိုသလို ပုံဖော်ပြီး ဘုရားသာသနာကို ခုတုံးလုပ်၊ ကိုယ့်အတွက် မဟုတ်တရုတ်တွေ လုပ်နေကြတဲ့ အချက်ပဲ ဖြစ်ပါတယ်။
တစ်ချို့ဆိုရင် အခြေအနေအရ ဝင်လာကြတဲ့ အခြေအနေ ပဗ္ဗဇ္ဇိတတွေ ဖြစ်နေကြတဲ့အတွက် စာလည်းမတတ်၊ တရားလည်း မကျင့်ဘဲ လာဘ်လာဘ ရရေးကို ဦးစားပေးပြီး သာသနာ့ဝန်ထမ်းတွေနဲ့ မအပ်စပ်တဲ့ အသက်မွေးမှုတွေနဲ့ ပညာအားနည်းလှတဲ့ ဒကာဒကာမတွေအပေါ်မှာ လွဲချော်အောင် လုပ်နေကြတာတွေလည်း ရှိနေပြန်ပါတယ်။ ဗေဒင်လေးဟောပေးလိုက်၊ ချဲဂဏန်းလေးပေးလိုက်၊ ယတြာလေးချေပေးလိုက်၊ ငွေးတိုးလေးချေးပေးလုိုက် စသဖြင့် လူအကြိုက်လုိုက်ကာ သာသနာကုို ခုတုံးလုပ်ပြီး သာသနာပြုနေပါတယ်လုို့ ဆုိုနေကြသူတွေကလည်း အများကြီးပဲ ဖြစ်ပါတယ်။ ခက်တာက အဲဒီလုို ပုဂ္ဂိုလ်တွေကုိုမှ တကယ့် သာသနာပြု သူတော်ကောင်းတွေလုို့ ထင်ပြီး ရက်ရက်ရောရော ပေးလှူနေကြတဲ့ ပညာအားနည်းလှတဲ့ ဒကာဒကာမတွေကလည်း ရှိနေပြန်လေတော့ ပြောသာပြောရတယ် ဘုန်းဘုန်းတုို့က မနာလိုလုို့ ပြောတယ်ထင်သူတွေက ရှိကောင်းရှိနေနုိုင်ပါတယ်။ ဘယ်လုိုပဲဖြစ်ဖြစ် ပြောသင့်တာတော့ ပြောရမှာပဲ ဖြစ်ပါတယ်။
တကယ်တမ်းကျတော့ သာသနာ တကယ်ပြုနေကြတဲ့ သာသနာ့ဝန်ထမ်းတွေဟာ ပရိယတ္တိ စာသင်တုိုက်တွေနဲ့ ပဋိပတ္တိ ရိပ်သာတွေမှာ အများကြီးပဲ ရှိနေတာ ဖြစ်ပါတယ်။ မြန်မာပြည် သာသနာကုိုကြည့်ရင် ဒီနေ့အချိန်အထိ မြတ်စွာဘုရားရှင်ရဲ့ ဓမ္မတွေ တသွေမသိမ်း ထိန်းသိမ်းထားနေနုိုင်ခြင်းဟာ ပရိယတ္တိက အားကောင်းနေလုို့ပဲ ဖြစ်ပါတယ်။ မြတ်စွာဘုရားရှင်ရဲ့ သာသနာမှာ အခြေခံဖြစ်တဲ့ ပရိယတ်အားကောင်းနေတဲ့အတွက် ကျင့်ကြံအားထုတ်မှု ပဋိပတ်ဟာလည်း ပြောင်းလဲမှုမရှိ တည်တံ့နေကာ ပဋိပတ်သာသနာ မှန်ကန်နေတဲ့အတွက်လည်း ပဋိဝေဓဆုိုတဲ့ အကျိုးသာသနာက ရှိနေရခြင်းဖြစ်ပါတယ်။ အဲဒီ အခြေခံ ပရိယတ်သာ အားနည်းလာမယ်ဆုိုရင် မြတ်စွာဘုရားရှင်ရဲ့ ဓမ္မအဖြာဖြာဟာလည်း တဖြည်းဖြည်းနဲ့ ကွယ်ပျောက်လာတော့မှာ ဖြစ်ပါတယ်။ ဒီအတွက် ပရိယတ်ဝန်ဆောင် သာသနာပြု ခေါင်းဆောင်တွေဟာ သာသနာအတွက် တကယ့်ကုို အရေးကြီးတဲ့ အခန်းကဏ္ဍမှာ ရှိနေကြရတာ ဖြစ်ပါတယ်။
သာသနာပြုလုို့ ပြောရင် ဒီလုို ပရိယတ်၊ ပဋိပတ်ဝန်ဆောင်တွေကသာ အစစ်အမှန် သာသနာပြုတွေလုို့ ပြောရမှာ ဖြစ်ပါတယ်။ သာသနာကုို တကယ်ချီးမြောက်ချင်တယ်ဆုိုရင် ဒီလုိုအရှင်တွေကို ပုိုပြီးချီးမြှောက် ထောက်ပံ့ကြရမှာ ဖြစ်ပါတယ်။ ခုတော့ အဲလုိုမဟုတ်။ သာသနာ အလုပ်မလုပ်တဲ့ သူတွေကုို အဟုတ်လုပ်ပြီး ထောက်ပံ့တဲ့ အလုပ်တွေ လုပ်နေကြတဲ့အတွက် တကယ်သာသနာပြု အရှင်တွေမှာ ပစ္စည်းလေးပါးအပိုင်းမှာ ဆင်းရဲချို့တဲ့ နေကြတော့တာ ဖြစ်ပါတယ်။ စာသင်တုိုက်မှာ အပင်ပန်း အဆင်းရဲခံပြီး စာဝါပုို့ချနေကြတဲ့ စာချဘုန်းကြီးတွေမှာ တစ်နှစ်နေလုို့ သင်္ကန်းသုံးစုံ ပြည့်စုံအောင် မရနုိုင်ကြတာတွေ ရှိနေပေမယ့် ဗေဒင်ဟော၊ လက္ခဏာကြည့်၊ ချဲ့ဂဏန်းပေးတဲ့ ပုဂ္ဂိုလ်တွေမှာတော့ သင်္ကန်းတွေ ရာနဲ့ချီကာ ပုံနေတော့တာ ဖြစ်ပါတယ်။ ကျောင်းတွေဆုိုလည်း ရွှေကျောင်းငွေကျောင်း စသဖြင့်ပေါ့။ မနာလုိုလုို့ ပြောတာမဟုတ်ပါဘူး။ သာသနာအတွက် အားမလုို အားမရဖြစ်လုို့ ပြောနေရတာ ဖြစ်ပါတယ်။
တကယ်ဖြစ်သင့်တာက သာသနာကုို တကယ်ချီးမြှောက်ထောက်ပံ့ချင်ရင် အဲဒီလုို ပင်ပင်ပန်းပန်း ဆင်းဆင်းရဲရဲနဲ့ သာသနာပြုနေကြတဲ့ ပရိယတ်ဝန်ဆောင် စာသင်တုိုက်က အရှင်မြတ်များကုို အများကြီးအားပြုကာ ထောက်ပံ့ပေးကြရမှာ ဖြစ်ပါတယ်။ ပဋိပတ်ရိပ်သာမှာ ရှိနေကြတဲ့ သာသနာပြု အရှင်သူမြတ်များဟာလည်း သာသနာကုို အမှန်တကယ်ပြုနေကြတဲ့ အရှင်မြတ်များဖြစ်ပေမယ့် ရိပ်သာတွေမှာကတော့ ဒကာဒကာမများ ကုိုယ်တုိုင်ပါဝင် အားထုတ်ကာ သံဃာတော်များနဲ့ နီးစပ်ခွင့်ရနေကြတဲ့ အတွက် ပရိတ်ယတ်ဝန်ဆောင် အရှင်မြတ်များထက်စာရင် ပစ္စည်းလာဘ်လာဘက ပုိုပြီးပြည့်စုံလှပါတယ်။ မရှိတာက ပရိယတ်ဝန်ဆောင် အရှင်မြတ်များဖြစ်ပါတယ်။ ပုိုပြီးရှိနေတာက ပရိတ်ယတ်လည်းမဟုတ်၊ ပဋိပတ်လည်း မလုပ်တဲ့ မအပ်တဲ့နည်းတွေနဲ့ သာသနာကုို ခုတုံးလုပ်ကာ လုပ်စားနေကြတဲ့ ပုဂ္ဂိုလ်တွေပဲ ဖြစ်ပါတယ်။ ထောက်ပံ့တဲ့သူတွေကလည်း အဲဒီပုဂ္ဂိုလ်တွေကုိုပဲ ပုိုပြီးထောက်ပံ့လှူဒါန်းနေကြလေတော့ တကယ်အလုပ်အလုပ်နေကြတဲ့ သာသနာပြုများမှာ အားနည်းလာပြီး ခုတုံးလုပ်သာသနာပြုတွေက ပုိုပြီးအားကောင်းလာကာ ကြာရင် အဆိပ်ပင်ရေလောင်း ဖြစ်လာကြတော့မှာ ဖြစ်ပါတယ်။
ပြောချင်တာက လှူတာက ကောင်းပေမယ့် လှူတဲ့အခါ ခေတ်ကာလအနေအထားအရ ပုဂ္ဂိုလ်ကုို ရွေးချယ်ပြီး တကယ်လုိုအပ်တဲ့၊ တကယ်သာသနာပြုနေတဲ့ အရပ်တွေမှာ လူဒါန်းတာက သာသနာအတွက်လည်း အကျိုးရှိ အလှူအတွက်လည်း အကျိုးရှိပြီး အဆိပ်ပင် ရေလောင်းမှုတွေကနေ ရှောင်ကြဉ်နုိုင်ကြောင်း ပြောချင်တာ ဖြစ်ပါတယ်။ သင်္ကန်းဝတ်ထားရင်ပြီးရော ဆုိုပြီး ရက်ရက်ရောရော လှူဒါန်းတာဟာ လှူတဲ့သူအတွက် စေတနာပြတ်ရင် ဒါနဟာ မြတ်ပေမယ့် အလှူခံ ပုဂ္ဂိုလ်တွေအတွက်တော့ သာသနာမှာ လုပ်ချင်ရာလုပ်ဖုို့ အားပေးအားမြောက်ပြုရာ ရောက်တဲ့အပြင် သူတုို့လုပ်နေတဲ့ မအပ်စပ်တဲ့ အလုပ်တွေမှာ ပုိုပြီးအားကောင်းစေရာ ရောက်တာကြောင့် ဒါမျိုးကတော့ အဆိပ်ပင် ရေလောင်းတဲ့ သဘောမျိုး သက်ရောက်နေတဲ့အတွက် ဒီလုိုမျိုး အလှူတွေကုို အတတ်နုိုင်ဆုံး ဆင်ခြင်ပြုပြင်ကြဖုို့ အသိပေးလုိုတာ ဖြစ်ပါတယ်။ အားနည်းလာတဲ့ သာသနာတော်မှာ ဆရာနဲ့ ဒကာ အတူလက်တွဲပြီး ဆရာလည်း ဆရာအလုပ်လုပ်၊ ဒကာလည်း ဒကာအလုပ်လုပ်ကာ ညီညီညာညာ သာသနာပြုကြမှ မြတ်ဗုဒ္ဓရဲ့ သာသနာတော်ကြီးဟာ အရှည်ခန့်၍ တည်တံ့နုိုင်မယ်ဆုိုတာ သိစေလုိုတာ ဖြစ်ပါတယ်။
ဒါကြောင့် အလှူဒါန လုပ်ရတဲ့အပေါ်မှာ သဒ္ဓါတရား အားကောင်းလှတဲ့ ဗုဒ္ဓဘာသာ သူတော်စင်များအနေနဲ့ အလှူဒါန ပြုလုပ်တဲ့အခါမှာ ခေတ်ကာလ အနေအထားအရ သဒ္ဓါတရားကုို ပညာလေးနဲ့တွဲပြီး အမှန်တကယ် သာသနာပြုနေတဲ့ သံဃာနဲ့ အစစ်အမှန် လုိုအပ်နေတဲ့ နေရာမှာတွေမှာ ရွေးချယ်ပြီး လှူဒါန်းနိုင်အောင် ကြိုးစားကြဖုို့နဲ့ သာသနာကုို ခုတုံးလုပ်ကာ သာသနာနဲ့ မအပ်စပ်တဲ့ အလုပ်တွေမှာ အသက်မွေးမှု ပြုနေကြတဲ့ သာသနာပြုအမည်ခံတွေကို ချီးမြှောက်ထောက်ပံ့ကြတဲ့ အဆိပ်ပင်ရေလောင်းတဲ့ အလုပ်တွေမှာ ရှောင်ရှားကြဖုို့ တုိုက်တွန်းရင်း ဆရာဒကာ ညီညွတ်စွာ ဘုရားသာသနာ အရှည်ကြာအောင် ကြိုးစားကြဖုို့ အထူးမေတ္တာရပ်ခံ တင်ပြအပ်ပါတယ်။
