လောကအကြောင်း တစေ့တစောင်း

လောကအကြောင်း ပြောလာသူတွေ၊ လောကမကောင်းကြောင်း၊ လောကကြီးက မတရားကြောင်း၊ လောကကြီးက မျက်နှာလိုက်တဲ့အကြောင်း စသဖြင့် ပြောလာတဲ့ သူတွေကုို မကြာခဏ ကြုံဖူးနေတော့ လောကအကြောင်း စဉ်းစားဖြစ်ပြန်ပါတယ်။ လူတွေဟာ ဘာလေးပဲဖြစ်ဖြစ် လောကကြီးကုို အပြစ်ပုံချတတ်တာတွေ တွေ့နေရတော့ ကုိုယ့်ကုိုယ်ကုိုလည်း ပြန်ဆင်ခြင်မိပါတယ်။ ကုိုယ်လည်းတစ်ခါတလေ လောကကြီးကုို အပြစ်ပုံချမိတာတွေ အများကြီးပါပဲ။ ခက်တာက ကုိုယ်အပါအဝင် အဲဒီလုို လောကကြီးကုို အပြစ်ပုံချတဲ့သူတွေကုို “လောကကြီးပဲ အပြစ်ပုံချနေတာ ကုိုယ့်လောကကိုရော ကုိုယ်ပြန်ကြည့်ဖူးလား”လုို့ မေးကြည့်ရင် အတော်များများက ကုိုယ့်လောကအကြောင်း ဆင်ခြင်ဖုို့ သတိမရတတ်ဘဲ ဖြစ်နေကြတာကုို တွေ့ရမှာ ဖြစ်ပါတယ်။ သူများလောကချည်းပဲ အပြစ်ပြောနေကြပေမယ့် ကိုယ့်လောကအကြောင်း ကုိုယ်သတိပြုကြဖုို့တော့ အတော်များများက မလုပ်ဖြစ်ဘဲ ရှိနေတတ်ကြပါတယ်။

အမှန်တော့ လောကဆိုတာ တစ်ခြားမဟုတ်ပါဘူး။ ပုဂ္ဂိုလ်သတ္တဝါ အစုအဖွဲ့တစ်ခုဟာ လောကတစ်ခုပဲ ဖြစ်ပါတယ်။ နာမ်ရုပ်အစုနဲ့ ဖွဲ့စည်းထားတဲ့ သတ္တဝါဟာလည်း လောကတစ်ခုပဲ ဖြစ်ပါတယ်။ ဆုိုတော့ကား ဘုန်းဘုန်းအပါအဝင် သတ္တဝါအားလုံးဟာ အသီးသီး နာမ်ရုပ်အစုနဲ့ ဖွဲ့စည်းထားတဲ့ လောကကုိုယ်စီကုို ပုိုင်ဆုိုင်ထားတဲ့ သူတွေဖြစ်တဲ့အတွက် လောကအကြောင်း ပြောမယ်ဆုိုရင် ကုိုယ့်လောကအကြောင်း အရင်ပြောကြဖုို့လုိုပါတယ်။ လောကမကောင်းဘူး ပြောမယ်ဆုိုရင် ကုိုယ့်လောကလည်း ကောင်းမကောင်း အရင်ဆင်ခြင်ကြည့်ကြဖုို့ လုိုပါတယ်။ သေချာတာကတော့ ကုိုယ့်လောကဟာလည်း မကောင်းဘူးဆုိုတာ အသေအချာပဲ ဖြစ်ပါတယ်။

ကုိုယ့်လောကလည်း မကောင်းဘူးဆုိုတာက နာမ်ရုပ်နှစ်ခုကုို ပုိုင်ဆုိုင်ထားတာကုိုက ဒုက္ခအစုကုို ပုိုင်ဆုိုင်ထားကြတာ ဖြစ်တဲ့အတွက် အဲဒီ ဒုက္ခကုို ဒုက္ခလုို့ မသိဘဲ သုခထင်ကာ မာနဝင်နေကြတဲ့အတွက် မကောင်းဘူးလုို့ ပြောရတာ ဖြစ်ပါတယ်။ ပင်ကုိုယ်က မကောင်းလှတဲ့ ဒီအစုကုို အကြောင်းပြုပြီး အကုသုိုလ်တွေ ဝင်နေကြတာကုိုက မကောင်းတဲ့ လက္ခဏာပဲ ဖြစ်ပါတယ်။ ဒီတော့ကား ဒီလုိုမကောင်းတဲ့ လောကကြီးမှာ ကုိုယ့်လောကကုို ကုိုယ်မကြည့်ဘဲ သူများလောကကုိုလုိုက်ပြီး ကြည့်နေ၊ အပြစ်ပြောနေတာကမှ တကယ့်မကောင်းတဲ့ အချက်ပဲ ဖြစ်ပါတယ်။ ဒုက္ခအစုကြီး ပုိုက်ထားတဲ့ ကိုယ့်ကုိုယ်ကုို ဒုက္ခလုို့ မမြင်ဘဲ သူများလောကကုိုကြည့်ပြီး ဒုက္ခတွေဝင်နေတာကိုက တကယ့်ဒုက္ခဖြစ်နေတဲ့ အချက်ပဲ ဖြစ်ပါတယ်။

တကယ်လုို့ လောကအကြောင်း ပြောကြမယ်ဆုိုရင် ကုိုယ့်လောကအကြောင်း ကုိုယ်ဆင်ခြင်ကြည့်ကြဖုို့ လုိုပါတယ်။ ကုိုယ့်လောကကြီး ဘယ်လုိုဖြစ်နေတယ်၊ ကိုယ့်လောကကြီး ဘယ်လုိုပျက်နေတယ်ဆုိုတာကို အရင်သိအောင် ကြိုးစားပြီး ကုိုယ့်လောက မကောင်းသေးရင် ကုိုယ်ကုိုယ်တုိုင် အရင်ပြောင်းနုိုင်အောင် ကြိုးစားကြရမှာ ဖြစ်ပါတယ်။ ရုပ်ပုိုင်းဆုိုင်ရာ လောကထက် စိတ်ပုိုင်းဆုိုင်ရာ လောကကုို ကောင်းသထက် ကောင်းအောင် ပြုပြင်ကြရမှာ ဖြစ်ပါတယ်။ ရုပ်လောကဆုိုတာ မြင်နုိုင်လောက်တဲ့ လောကဖြစ်တဲ့အတွက် ပြင်မယ်ဆုိုရင် ပြင်ဖုို့လွယ်ပေမယ့် စိတ်လောကကတော့ မြင်ဖုို့မလွယ်၊ သိဖုို့လည်း မလွယ်သလုို ပြင်ဖုို့လည်း မလွယ်တဲ့ ကိစ္စပဲ ဖြစ်ပါတယ်။ ဒါပေမယ့် ကုိုယ့်ကုိုယ်တုိုင်တော့ ကုိုယ့်ရဲ့စိတ်လောကကုို သိနေနုိုင်ကြတာ ဖြစ်ပါတယ်။ မပြင်ချင်လုို့၊ မပြင်နုိုင်လုို့သာ ရှိနေကြမယ် ကုိုယ့်စိတ်၊ ကုိုယ့်လောက ဘာဖြစ်နေတယ် ဆုိုတာကတော့ သိနေကြတာပဲ ဖြစ်ပါတယ်။

အဲဒီတော့ သူများလောက အကြောင်း၊ သူများရုပ်ပုိုင်းဆုိုင်ရာ၊ စိတ်ပုိုင်းဆုိုင်ရာ အကြောင်းတွေကုို လုိုက်ကြည့်ပြီး ဘာဖြစ်တယ်၊ ညာဖြစ်တယ်၊ ဘယ်လုိုဘယ်ဝါ စတဲ့ အမြင်အတွေးတွေနဲ့ ဟုိုဟုိုဒီဒီ ပြောနေဖုို့ထက် ကုိုယ့်လောကကုို ကိုယ်မြင်အောင်ကြည့်ပြီး ကုိုယ့်လောကကောင်းအောင်၊ ကုိုယ့်လောကကြီး အပြစ်မဖြစ်အောင်၊ ကုိုယ့်လောကကြီး အကုသုိုလ်မဖြစ်အောင် အရင်လုပ်သင့်ကြတာ ဖြစ်ပါတယ်။ ပြောရမယ်ဆုိုရင် လောကဆုိုတာကလည်း အမြဲတစေ ပြောင်းနေတာ ဖြစ်တဲ့အတွက် ပြောင်းလဲနေတဲ့ လောကကြီးကုို အပြောင်းကောင်းအောင် ကြိုးစားဖုို့ပဲ ဖြစ်ပါတယ်။ အမြဲပြောင်းနေတဲ့ လောကကြီးဟာ မမြဲခြင်းတရားတွေ အမြဲပါနေတာ ဖြစ်တဲ့အတွက် လောကကုို အကြောင်းပြုပြီး အကောင်းတွေနဲ့ ပြောင်းနုိုင်အောင် ကြိုးစားကြရမှာ ဖြစ်ပါတယ်။

ကုိုယ့်လောကကုို ကောင်းအောင်လုပ်ဖုို့ဆုိုရင်တော့ ကုိုယ့်ရဲ့အမူအရာတွေကုို ကောင်းအောင်လုပ်ကြဖုို့ပဲ ဖြစ်ပါတယ်။ ကုိုယ့်ရဲ့ ကိုယ်အမူအရာ၊ နှုတ်စကားအမူအရာ၊ စိတ်အကြံအမူအရာတွေကုို ကုိုယ့်ကုိုယ်ကုိုလည်း အပြစ်မဖြစ်အောင် သူတပါးကုိုလည်း အပြစ်မဖြစ်ရလေအောင် သတိနဲ့ ကြိုးစားပြီး ထိန်းသိမ်းနေထုိုင်ကြရမှာ ဖြစ်ပါတယ်။ ဗရမ်းဗတာ မလုပ်မိအောင်၊ အထိန်းအကွပ်မရှိ မပြောမိအောင်၊ ဘယ်သူမှ မသိနုိုင်လောက်ဘူးဆုိုတဲ့ ကုိုယ့်စိတ်အတွေးကုိုလည်း မကောင်းတဲ့ အတွေးအကြံတွေ မဖြစ်အောင် ကြိုးစားနေထုိုင် လေ့ကျင့်ကြရမှာ ဖြစ်ပါတယ်။ ကုိုယ့်လောကကုို ကုိုယ်ကောင်းအောင် ကြိုးစားဖုို့ မလုပ်နုိုင်သေးဘဲနဲ့ သူများလောကအကြောင်း ပြောတယ်ဆုိုရင် ဒါဟာ ကုိုယ့်အပြစ်ကော သူများအပြစ်ပါ ကုိုယ်ကသိမ်းကျုံးယူသလုို ဖြစ်တတ်တဲ့အတွက် ဒီသဘောမျိုး မဖြစ်အောင် ကုိုယ့်လောကကုို ကုိုယ်အရင် ပြုပြင်နေထုိုင်ကြရမှာ ဖြစ်ပါတယ်။

သေချာတွေးကြည့်ရင် လောကဆုိုတာ မြင်တတ်ရင်၊ ယူတတ်ရင်၊ ထိန်းသိမ်းတတ်ရင် ဒီလောကကြီးကပဲ ကုိုယ့်ကိုတရားတွေ ပြပေးနေတာ ဖြစ်ပါတယ်။ တရားရှာ ကုိုယ်မှာတွေ့ဆုိုသလုို သတိနဲ့သာ ကပ်ပြီးနေတတ်မယ်ဆုိုရင် ကုိုယ့်လောကကြီးဟာ တရားရှာရာ တရားရိပ်သာ တစ်ခုပဲ ဖြစ်ပါတယ်။ ပြောင်းလဲနေတဲ့ ကုိုယ့်ရဲ့ရုပ်လောက၊ နာမ်လောကကုို ပြောင်းနေတဲ့ အခုိုက်အတန့်မှာ အရှိအတိုင်း သတိကပ်ပြီး ရှုမှတ်တတ်မယ်ဆုိုရင် လောကကြီးရဲ့ သဘောအမှန်ကုို သိရှိလာပြီး မမြဲခြင်းသဘော၊ ဆင်းရဲခြင်းသဘော၊ ကုိုယ့်သဘောအတုိုင်း မဖြစ်တဲ့ အစုိုးမရခြင်း သဘောတွေကုို ဉာဏ်နဲ့ သိလာနုိုင်တာ ဖြစ်ပါတယ်။ အဲဒီလုို သိလာတဲ့အခါ လောကကုိုအကြောင်းပြုပြီး ဖြစ်ပေါ်တတ်တဲ့ အပြစ်တွေ၊ အကုသုိုလ်တွေဟာလည်း တရားသဘောတွေအဖြစ် ပြောင်းလဲကာ ဘဝမှာ တရားနဲ့ နေတတ်တဲ့ ဘဝလေးတစ်ခု တည်ဆောက်သွားနုိုင်ကြမှာ ဖြစ်ပါတယ်။

ဆုိုတော့ကား လောကဆုိုတာ နာမ်ရုပ်နှစ်ခုနဲ့ ဖွဲ့စည်းထားတဲ့ အစုအဖွဲ့သာ ဖြစ်တဲ့အတွက် လောကဆုိုရင် ကုိုယ့်လောကပဲ ဖြစ်ဖြစ်၊ သူ့လောကပဲ ဖြစ်ဖြစ် ရုပ်နာမ်နှစ်ခု ဒုက္ခစုဆုိုတဲ့ အပြစ်ကတော့ ရှိနေကြမြဲဖြစ်ပါတယ်။ အဲဒီလုို အပြစ်ရှိနေတာ ဖြစ်တဲ့အတွက် အပြစ်ရှိနေတာချင်းအတူတူ ကုိုယ့်လောကရဲ့ အပြစ်ကုို ကုိုယ်မမြင်၊ ကုိုယ်မပြင်ဘဲ သူများလောကအပေါ် အပြစ်တင်နေတယ်ဆုိုရင် ဒါဟာ ကုိုယ့်အတွက်တော့ အပြစ်တွေ အားလုံးကုို သိမ်းကျုံးပြီး ယူနေသလုိုပဲ ဖြစ်နေတတ်ပါတယ်။ ကိုယ့်လောကကုိုတောင် အပြစ်မဖြစ်အောင်၊ ကောင်းအောင် မပြင်နုိုင်သေးဘဲနဲ့ သူများလောကအပေါ် အပြစ်တင်နေတာကတော့ အတော်မကောင်းတဲ့ ကိစ္စပဲ ဖြစ်ပါတယ်။ အမှန်ဆုိုရင် ကုိုယ့်လောကကုို ကုိုယ်ဆင်ခြင်၊ ကုိုယ်ကောင်းအောင်ပြင်ပြီး ကုိုယ့်ရဲ့ ရုပ်နာမ်အသွင်ကုိုသာ တရားနဲ့မြင်နုိုင်အောင် ကြိုးစားကြရမှာ ဖြစ်ပါတယ်။

ဒါကြောင့် လောကမှာ လူအတော်များများက လောကကုို အရောင်ဆုိုး၊ လောကကုို အပြစ်တင်၊ လောကကုို မဆင်ခြင်ဘဲ ကုိုယ်ထင်ရာ ကုိုယ်မြင်ပြီး ကုိုယ်ပြောချင်ရာ ပြောနေကြပေမယ့် တကယ်ဆင်ခြင်ပြီး ပြင်ဆင်သင့်တာက ကုိုယ့်ရဲ့ ကုိုယ်ပုိုင်လောကဖြစ်တဲ့ နာမ်ရုပ်နှစ်ခု ခန္ဓာစုကြီးသာ ဖြစ်တဲ့အတွက် သူများလောအကြောင်း မပြောဘဲ ကုိုယ့်လောကကို ကိုယ်မြင်၊ ကုိုယ်ကုိုယ်တုိုင်ပဲ ပြင်ဆင်ပြီး ကုိုယ့်အသွင်အပြင်မှာ တရားသဘင်ဆင်ရင်း ကုိုယ့်လောကမှာ တရားရှာနုိုင်အောင်သာ ကြိုးစားကြရမှာ ဖြစ်ပါကြောင်း…။ 

Read more »

မခံစားပါနဲ့

စကားလုံးတွေနောက်ကိုလိုက်ပြီး မခံစားမိပါစေနဲ့။ စကားလုံးဆိုတာ သတ်မှတ်ချက်ပညတ် ဖြစ်တဲ့အတွက် ချစ်ရင်အကောင်းပြောမှာ ဖြစ်ပြီး မုန်းရင်တော့ အဆိုးပြောမှာပဲ ဖြစ်ပါတယ်။ အကောင်းပြောတိုင်း လိုက်သာယာလိုက်၊ အဆိုးပြောတိုင်း လိုက်ခံစားလိုက် ဖြစ်နေလို့ကတော့ ဒီခံစားချက်တွေနဲ့ပဲ ကိုယ့်မှာ တစ်ခုပြီးတစ်ခု ခံစားလို့ကို ဆုံးမှာမဟုတ်တော့ပါဘူး။ တကယ်တော့ ခံစားချက်ဆိုတာ စာလိုပြောတော့ ဝေဒနာပဲ ဖြစ်တဲ့အတွက် ခံစားချက်ပြင်းလေ ဝေဒနာပြင်းလေ ဖြစ်ပြီး ဝေဒနာပြင်းလေ ပူလောင်မှု ပြင်းလေပဲ ဖြစ်နေမှာ ဖြစ်ပါတယ်။ ဒါကြောင့် စကားလုံးတွေကို အကြောင်းပြုပြီး ပူလောင်မှုတွေ မဖြစ်စေဖို့ ခံစားချက်မှန်သမျှကို သိအောင်ကြိုးစားပြီး ဘယ်သူဘာပြောပြော ပြောသမျှစကားကို ကြားတဲ့အခိုက်အတန့်မှာပဲ ရပ်တန့်ကာ စကားလုံးတွေနောက်မှာ အစွဲမပါအောင် ကြိုးစားကြရမှာ ဖြစ်ပါတယ်။

Read more »

အတ္တရဲ့ သားကောင်များ

 ပုထုဇဉ် သတ္တဝါဆုိုတာ တကယ်တော့ ငါဆုိုတဲ့ အတ္တရဲ့ သားကောင်များပဲ ဖြစ်ပါတယ်။ အတ္တရဲ့ စေရာနောက် တကောက်ကောက် လုိုက်နေရင်း အတ္တကနေ ရုန်းမထွက်နုိုင်ကြပဲ ဖြစ်နေကြရပါတယ်။ အတ္တအစွဲများကြောင့် အမှားများကုို လုပ်ပြီးရင်းလုပ်ရင်း ဖြစ်နေကြရပါတယ်။ အတ္တလေး ပျော်ရွှင်နေစေဖုို့အတွက် လုပ်လုိုက်ရတဲ့ အလုပ်တွေက မဟုတ်တာတွေကော ဟုတ်တာတွေကုိုပါ ရှုပ်နေအောင် လုပ်နေကြရတော့တာ ဖြစ်ပါတယ်။ တစ်ချို့လည်း အတ္တလေး ပျော်ရွှင်ဖုို့အတွက် အာရုံကောင်းတွေရအောင် ကြိုးစားကြသလုို တစ်ချို့လည်း အတ္တကြောင့် ဒုက္ခရောက်ရတယ်ဆုိုကာ အတ္တကုို ပင်ပန်းအောင် လုပ်နေတတ်ကြပြန်ပါတယ်။ ငါဆုိုတဲ့ အတ္တတွေ ရှိနေသမျှ အဲဒီအတ္တကုို ဘယ်လုိုပဲ ပျော်အောင်လုပ်လုပ်၊ အတ္တကုို ဘယ်လောက်ပဲ ပင်ပန်းဆင်းရဲအောင် လုပ်လုပ် နောက်ဆုံးရရှိသွားတဲ့ ရလာဘ်က ဒုက္ခဆုိုတဲ့ ဆင်းရဲခြင်းပဲ ဖြစ်နေကြပါတယ်။ ပုိုဆုိုးတာက အဲဒီအတ္တကုို အလွန်အကျွံ ပျော်ရွှင်အောင် လုပ်မိရာက၊ အတ္တကုို အတိုင်းထက်အလွန် ပင်ပန်းဆင်းရဲအောင် လုပ်မိရာက အစွန်းရောက်ကုန်တဲ့အထိ ဖြစ်သွားကြတာပဲ ဖြစ်ပါတယ်။ 

 ဘုရားရှင်ကတော့ အဲဒီလုို အတ္တကုို ပျော်အောင်လုပ်တဲ့ အစွန်းရောက်တဲ့ အကျင့်ကုို ကာမသုခလ္လိကာနုယောဂ - (ကာမဂုဏ်အာရုံတွေမှာ အလွန်အကျွံ လုိုက်စားတဲ့ အကျင့်) လုို့ မိန့်တော်မူပြီး အတ္တကုို ဆင်းရဲစေတဲ့ အစွန်းရောက် အကျင့်ကုို အတ္တကိလမထာနုယောဂ (ကိုယ့်ကိုယ်ကို အလွန်အကျွံ ပင်ပန်းဆင်းရဲအောင် ကျင့်တဲ့ အကျင့်) လုို့ မိန့်တော်မူပါတယ်။ နှစ်ခုလုံးဟာ အတ္တကုို အခြေခံထားတဲ့ အကျင့်တွေ ဖြစ်တဲ့အတွက် မမှန်ကန်တဲ့ အစွန်းရောက် အကျင့်လုို့ မိန့်တော်မူခြင်း ဖြစ်ပါတယ်။ ဘယ်လုိုပဲ ကျင့်ကျင့် ဒီအကျင့်တွေဟာ ငါဆုိုတဲ့ အတ္တကို အကြောင်းပြုပြီး အတ္တရဲ့စေရာနောက် တကောက်ကောက်လိုက်ကာ လုပ်နေကြရတဲ့ သဘောပဲ ဖြစ်ပါတယ်။ ငါဆိုတဲ့ အတ္တလေးကလည်း သတ္တဝါတွေကို အတော်ဒုက္ခပေးတတ်ပါတယ်။ ငါ့အတွက်၊ ငါ့မိသားစုအတွက်၊ ငါ့အသုိုင်းအဝုိုင်းအတွက် စသဖြင့် ငါကိုရှေ့တန်းတင်ပြီး အဲဒီငါတွေကြောင့်ပဲ အမှားများနဲ့ မတရားများကုို တစ်ခုပြီးတစ်ခု လုပ်နေကြတော့တာ ဖြစ်ပါတယ်။ အတ္တစွဲတွေကြောင့်ပဲ မြင်ချင်တာတွေ၊ ကြားချင်တာတွေ၊ နံချင်တာတွေ၊ စားချင်တာတွေ၊ တွေ့ထိချင်တာတွေ နောက်ကို မဆုံးနုိုင်အောင် လုိုက်နေကြတော့တာ ဖြစ်ပါတယ်။ ငါဆုိုတဲ့ အစွဲက ရှိနေကြတဲ့အတွက် ငါလုပ်တာမှ မှန်တယ်၊ ငါပြောတာမှ မှန်တယ်၊ ငါမှအဟုတ်၊ သူမဟုတ် စတဲ့ ခံယူချက်တွေနဲ့ ငါမှငါဆုိုတာတွေက လွှမ်းမုိုးနေကြတော့တာ ဖြစ်ပါတယ်။ တစ်ခါတလေ ငါလုပ်တာ မှားနေတာတောင်မှ ငါကခံနေတော့ အမှန်ကုို ဝန်မခံနုိုင်ဘဲ အမှားလမ်းပေါ်မှာ မထူးဇာတ် ခင်းဖြစ်ကြတာတွေကလည်း အများကြီးပဲ ဖြစ်ပါတယ်။ 

 ငါဆုိုတဲ့ အတ္တဟာ သတ္တဝါတွေကုို အမှားတွေမှာလည်း ပျော်နေစေတတ်သလုို မတရားတာတွေမှာလည်း ဖျော်ဖြေနေတတ်စေပါတယ်။ အတ္တက သတ္တဝါတွေကုို ကုသိုလ်လုပ်တာတောင်မှ ငါ့မုို့လုို့ လုပ်နုိုင်တာ၊ င့ါလောက်ဘယ်သူမှ မလုပ်နုိုင်ဘူး၊ သူထက်ငါက ပုိုလုပ်နုိုင်တယ်စတဲ့ မာနတွေကုိုလည်း ဖြစ်စေတတ်သလုို၊ ငါကောင်းတာလုပ်နေတာပဲ ဘယ်သူ့ကုိုမှ ဂရုစုိုက်စရာ မလုိုဘူး၊ ငါလုပ်တဲ့ ကောင်းမှုဟာ နင်တုို့လုို သူတွေအတွက် မဖြစ်စေရဘူး စတဲ့ ကောင်းမှုကုသုိုလ်ကုို အကြောင်းပြုပြီး မကောင်းတဲ့ မာနလေးတွေကုို ဝင်စေတတ်ပါတယ်။ ဒါဟာ အတ္တက ကောင်းတဲ့အလုပ်ကုို အကြောင်းပြုပြီး ကိလေသာတွေ မလျော့ပါးဘဲ မာန၊ ဒေါသစတဲ့ ပူလောင်မှုတရားတွေအထိ ဖြစ်သွားစေတဲ့ သဘောမျိုးပဲ ဖြစ်ပါတယ်။ ဒါကြောင့် ကောင်းမှုကုသုိုလ် လုပ်တဲ့အခါမှာလည်း အတ္တကုိုခွာပြီး သံသရာက ထွက်မြောက်ရာ ကုသုိုလ်မျိုးဖြစ်ဖုို့အတွက် အလှူပေးပုဂ္ဂိုလ်ဆုိုတာ မမြဲ၊ အလှူပစ္စည်းဆုိုတာလည်း မမြဲ၊ အလှူခံပုဂ္ဂိုလ်ဆုိုတာလည်း မမြဲတဲ့ သဘောကုို ဘာဝနာနဲ့ ဆင်ခြင်ကာ ပြုလုပ်သင့်ကြောင်း အဲလုိုမှမဟုတ်ရင် ကုသုိုလ်လုပ်နေတာတောင်မှ ငါဆုိုတဲ့ အတ္တက ချယ်လှယ်သွားတတ်ကြောင်း ဆုိုခြင်း ဖြစ်ပါတယ်။ 

 အမှန်တော့ ငါဆုိုတဲ့ အတ္တဟာ သဘာဝအားဖြင့် ရှိလည်းမရှိသလုို ရှိလည်းမရှိသင့်ပါဘူး။ ရှိနေရင်လည်း တဖြည်းဖြည်း နည်းပါးသွားအောင် လေ့ကျင့်ကြရမှာ ဖြစ်ပါတယ်။ ဘယ်သူတွေက ငါပါလုို့ဘယ်လုိုပဲ ပြောပြော တကယ်တမ်းကျတော့ ငါဆုိုတာ၊ ငါ့ပုိုင်ဆုိုတာ ဘာတစ်ခုမှ မရှိတဲ့အတွက် အားလုံးဟာ အတ္တမဟုတ်၊ အနတ္တဆုိုတာ အထင်အရှားပဲ ဖြစ်ပါတယ်။ ငါလုို့ထင်နေကြတဲ့ အဲဒီငါဟာလည်း အရင်းစစ်တော့ နာမ်ရုပ်အစုပဲ ဖြစ်ပါတယ်။ နာမ်အစုက တောင့်တတဲ့အတွက် ရုပ်အစုက လှုပ်ရှားနေခြင်း သက်သက်ပဲ ဖြစ်ပါတယ်။ အဲဒီရုပ်နာမ်အစု လှုပ်ရှားမှုဟာလည်း အမြဲမဟုတ်ဘဲ ဖြစ်ပြီးပျက်၊ ပေါ်ပြီးပျောက် တဒင်္ဂ ခဏလောက်ပဲ ဖြစ်ပါတယ်။ ဒီသဘောကုို အမှန်မသိတဲ့ အခါကျတော့ သတ္တဝါတွေဟာ နာမ်ရုပ်အစုကုို အတ္တထင်ပြီး ငါစားတယ်၊ ငါးသွားတယ်၊ ငါလုပ်တယ်၊ ငါကုိုင်တယ် စတာတွေ ဖြစ်လာကာ ငါမရှိရင် မဖြစ်ဘူး၊ ငါမပါရင် မဖြစ်ဘူး စသဖြင့် တဒင်္ဂကုို ထာဝရထင်ရင်း မာနတွေ ဝင်နေကြတာ ဖြစ်ပါတယ်။ အရင်းစစ်တော့ အားလုံးဟာ သူမဟုတ်၊ ငါမဟုတ် နာမ်နဲ့ရုပ်ပဲ ဖြစ်ပါတယ်။ ဒီသဘောကုို သိမှ ငါဆုိုတဲ့ အတ္တကုို ခွာနုိုင်ကြမှာ ဖြစ်ပါတယ်။ 

အတ္တရှိနေရင်၊ အတ္တကုို အခြေခံထားရင် အတ္တကုို ပျော်အောင်လုပ်နေတဲ့ ကာမဂုဏ်အာရုံတွေမှာ အလွန်အကျွံ လုိုက်စားမိတတ်သလုို အတ္တကုို ပင်ပန်းအောင် လုပ်တဲ့ ကုိုယ့်ကုိုယ်ကုို ညှင်းဆဲတတ်တဲ့ အကျင့်တွေမှာ အလွန်အကျွံ လုိုက်စားမိကာ အစွန်းတစ်ဘက်ကုို ရောက်သွားစေတတ်တာ ဖြစ်ပါတယ်။ ဒီလုို အစွန်းမျိုးတွေ မဖြစ်ဖုို့ ကြားဖြစ်တဲ့ အလယ်အလတ် လမ်းစဉ်ဖြစ်တဲ့ မဇ္ဈိမပဋိပဒါ အကျင့်ကုို လုိုက်နာကျင့်သုံးဖုို့ ဘုရားရှင် ဟောတော်မူတာ ဖြစ်ပါတယ်။ အလယ်အလတ်လမ်းစဉ်ဆုိုတာ သွားနေတဲ့ လမ်းတွေထဲက အလယ်တည့်တည့် လမ်းမျိုးမဟုတ်ဘဲ အကြောင်းအကျိုး ဆက်စပ်တဲ့ လမ်းစဉ်မျိုးကုို ဆုိုလုိုတာ ဖြစ်ပါတယ်။ အကြောင်းကြောင့် အကျိုးဖြစ်ခြင်း၊ အကြောင်းချုပ်ခြင်းကြောင့် အကျိုးချုပ်ခြင်း သဘောမျိုးကုို လုိုက်နာကျင့်သုံးတဲ့ အကျင့်ကုို အလယ်အလတ်လမ်းစဉ်လုို့ ဆိုလုိုတာ ဖြစ်ပါတယ်။ စာလုိုပြောတော့ မဂ္ဂင်ရှစ်ပါး လမ်းစဉ်လုို့ ပြောကြတာ ဖြစ်ပါတယ်။ 

 မဂ္ဂင်အကျင့်ဟာ အယူအစ မှန်ကန်ရေးကုို အခြေခံကာ အတွေးမှန်ရေး၊ အပြောမှန်ရေး၊ အလုပ်မှန်ရေး၊ အသက်မွေးမှုမှန်ရေး၊ အားထုတ်မှု မှန်ရေး၊ သတိမှန်ရေး၊ တည်ကြည်မှု မှန်ရေးကုို ဖြစ်ပွားစေတဲ့ လမ်းစဉ်ဖြစ်တဲ့အတွက် ဒီအကျင့်တွေကုို လုိုက်နာကျင့်ကြံနေသူအတွက် ငါဆုိုတဲ့ အတ္တစွဲတွေ လျော့နည်းလာစေပြီး အတ္တရဲ့ ချယ်လှယ်မှုကနေ တဖြည်းဖြည်း ခွာထွက်လာစေမှာ ဖြစ်ပါတယ်။ အမြင်အတွေး စတာတွေ မှန်နေရင် အလုပ်အကိုင်အကြံစည် စတာတွေလည်း မှန်နေမှာ ဖြစ်တဲ့အတွက် အမှန်မြင်တဲ့သူတွေ ဖြစ်နေကာ အမှန်မြင်နေရင် တကယ်မရှိတဲ့ ငါအပေါ်မှာလည်း အရှိအတုိုင်းသိပြီး ငါဆုိုတဲ့ အတ္တရဲ့ သားကောင်အဖြစ်ကနေ ရုန်းထွက်လာနုိုင်ကြမှာ ဖြစ်ပါတယ်။ ဒါကြောင့် မြတ်စွာဘုရားရှင်က အမြင်မှန်ခြင်း သမ္မာဒိဋ္ဌိဟာ သိပ်အရေးကြီးတဲ့အတွက် ပညာနေရာမှာထားပြီး မဂ္ဂင်တရားမှာ အဦးဆုံးအနေနဲ့ ဟောကြားပေးထားတာ ဖြစ်ပါတယ်။ အမြင်မှန်ကန်မှုရဲ့နောက်မှာ တွေးကြံပြောဆုိုလှုပ်ရှားတာတွေဟာ ဆက်တုိုက်ဖြစ်ပေါ်စေတတ်တဲ့အတွက် အမြင်မှန်ကန်ရေးဟာ အတ္တခွာရေးအတွက် အဓိကအချက်ဆုိုတာ အထင်အရှားပဲ ဖြစ်ပါတယ်။ 

 ဆုိုလုိုတာက သတ္တဝါတွေဟာ မသိမှု အဝိဇ္ဇာနဲ့ တွယ်တာမှု တဏှာတွေကြောင့် ငါဆုိုတဲ့ အတ္တရဲ့ ချယ်လှယ်မှုအောက်က ရုန်းမထွက်နုိုင်ကြပဲ အတ္တရဲ့ သားကောင်းများအဖြစ် အမှားတွေကုို ဆက်တုိုက်လုပ်နေကြရကြောင်း၊ အတ္တကြောင့်ပဲ ကာမဂုဏ်အာရုံတွေ အပေါ်မှာ တပ်မက်တွယ်တာရင်း အတ္တလေးပျော်အောင် လုပ်နေတတ်ကြသလုို၊ ဒီအတ္တကြောင့်ပဲ ဒုက္ခရောက်တာလုို့ဆုိုကာ အတ္တကုို ပင်ပန်းစေတဲ့ အကျင့်လွဲတွေ ကျင့်နေမိခြင်းဖြစ်ကြောင်း၊ တကယ်တမ်း အတ္တကုို ခွာစေဖုို့ဆုိုတာ အကြောင်းအကျိုးကုို ဖြတ်နုိုင်မှ ကွာစေမှာဖြစ်တဲ့အတွက် အဲဒီအကျင့်နှစ်ခုကုို ရှောင်ပြီး အလယ်အလတ် လမ်းစဉ်အကျင့်ကုို ကျင့်သုံးကြရမှာ ဖြစ်ကြောင်း၊ မဂ္ဂင်အကျင့်ကုို မှန်ကန်အောင် ကျင့်သုံးနုိုင်ရင် အတ္တကုို အမှန်မြင်ပြီး အတ္တရဲ့ ချယ်လှယ်မှုအောက်က ရုန်းထွက်နုိုင်ကြမှာ ဖြစ်ကြောင်း စသဖြင့် ဆုိုလုိုတာ ဖြစ်ပါတယ်။ 

 ဒါကြောင့် ငါဆုိုတဲ့ အတ္တအစွဲများကြောင့် အမှားတွေနောက် တကောက်ကောက်လုိုက်ကာ အတ္တရဲ့ ချယ်လှယ်မှု အတ္တသားကောင်းများ အဖြစ်မှ ရုန်းမထွက်နုိုင် ဖြစ်နေကြတဲ့ ပုထုဇဉ်တွေ အနေနဲ့ ငါဆုိုတဲ့ အတ္တဟာ တကယ်မရှိ ရုပ်နာမ်အစုသာ ရှိတယ်ဆုိုတဲ့ အသိနဲ့ အရာရာ ငါငါဖြစ်နေကြတဲ့ ကုိုယ်ကိုယ့်ကုို မှန်ကန်တဲ့ အမြင်နဲ့ မြင်သိနုိုင်အောင် ကြိုးစားပြီး အားလုံးဟာ ငါမဟုတ်၊ ငါ့ဥစ္စာမဟုတ်တဲ့ အနတ္တဆုိုတဲ့ သဘောကုို သတိပြုဆင်ခြင်ကာ ကုိုယ်ကုိုယ်ကုို ငါစွဲတွေဝင်တုိုင်း ငါကုိုယ်တုိုင်လည်း ငါမဟုတ်ဘူးဆုိုတဲ့အသိနဲ့ အတ္တရဲ့ သားကောင်များအဖြစ်မှ ရုန်းထွက်နုိုင်အောင် ကြိုးစားကြရမှာ ဖြစ်ပါကြောင်း အသိပေးတင်ပြရင်း အသိနောက်ကုို အကျင့်လုိုက်နုိုင်အောင် ကြိုးစားဖုို့လည်း တုိုက်တွန်းစကား ပါးလုိုက်ရပါတယ်။

Read more »