ကရုဏာထား၊ မုဒိတာ မပွားနုိုင်တောင်မှ ဥပေက္ခာတရားတော့ ထားကြည့်ကြမှ

လူအတော်များများက ကုိုယ်နဲ့အဆင်မပြေတဲ့သူတွေ၊ ကုိုယ်မကြိုက်တဲ့သူတွေ တစ်ခုခုဖြစ်ရင် မသနားတဲ့အပြင် ဝမ်းတောင်ဝမ်းသာတတ်ကြသလုို သူတုို့ကုိုယ့်ထက်ပုိုပြီး အဆင်ပြေသွားရင်လည်း ဝမ်းမြောက်ဝမ်းသာ ဖြစ်ဖုို့နေနေသာ ပုိုလုို့တောင် မနာလုို ဖြစ်တတ်ကြပါသေးတယ်။ တကယ်တော့ အဆင်မပြေတဲ့သူတွေ၊ ဒုက္ခရောက်နေတဲ့သူတွေဆုိုတာ ကုိုယ်က ဝမ်းသာရမယ့်သူတွေ မဟုတ်သလုို ကုိုယ့်ထက်ပုိုပြီး သာတဲ့သူတွေဆုိုတာဟာလည်း ကုိုယ့်အတွက်တော့ မနာလုိုစိတ်ထားရမယ့်သူတွေ မဟုတ်ပါဘူး။ ဖြစ်နုိုင်ရင် ကုိုယ်နဲ့တည့်တာ မတည့်တာ အပထား ကုိုယ့်လောက်အဆင်မပြေသူတွေဆုိုတာ သနားရမယ့်သူတွေဖြစ်သလုို ကုိုယ့်ထက်သာတဲ့ သူတွေဆုိုတာဟာလည်း ဝမ်းမြောက်ဝမ်းသာ ဖြစ်ပေးရမယ့်သူတွေပဲ ဖြစ်ပါတယ်။ 

ခုတော့ အဲလုိုမဟုတ်ဘဲ  ကုိုယ်က သူများဒုက္ခရောက်တဲ့ အပေါ်မှာ ကရုဏာတရား မထားနုိုင်ဘဲ ဝမ်းသာအားတွေ ပွားနေတယ်ဆုိုတာ ကုိုယ့်ကုိုယ်ကုို အပြုံးနဲ့ အကုသုိုလ် ယူလုိုက်တဲ့ သဘောဖြစ်နေသလုို ကုိုယ့်ထက်သာတဲ့ သူတွေအပေါ်မှာလည်း မုဒိတာတရားမထားနိုင်ဘဲ အကုသုိုလ်တရားနဲ့ မနာလုိုပဲ ပွားဖြစ်သလုို ဖြစ်နေပါတယ်။

တကယ် ဖြစ်သင့်တာက သူတပါး ဒုက္ခရောက်သွားတဲ့အပေါ်မှာ ကရုဏာတရား မထားနုိုင်တာတောင်မှ အငြိုးအတေးတရားတွေနဲ့ ဝမ်းမြောက်ဝမ်းသာ အကုသုိုလ် မပွားသင့်သလုို ကုိုယ့်ထက်သာတဲ့ သူတွေအပေါ်မှာလည်း မုဒိတာတရား မထားနုိုင်တာတောင်မှ မနာလိုစိတ်နဲ့ အကုသုိုလ် မပွားသင့်ပါဘူး။ ကုိုယ့်စိတ်ကုို တည်ငြိမ်အောင် ကြိုးစားပြီး အမုန်းလည်းမပွား အချစ်လည်းမထားတဲ့ ဥပေက္ခာတရားလေးနဲ့ နေနိုင်အောင် ကြိုးစားသင့်ပါတယ်။ ကုိုယ့်နဲ့အဆင်မပြေပေမယ့်လည်း အငြိုးတရားနဲ့ သူတုို့အပေါ် မကောင်းမြင်ပြီး အကုသုိုလ်တရား ပွားမယ့်အစား ကုိုယ့်ကုိုယ်ကို အကုသုိုလ် မဖြစ်အောင် ထိန်းသိမ်းနေထုိုင်သင့်ပါတယ်။ 

ဖြေကြည့်မယ်ဆုိုရင် အဆင်ပြေမှု မပြေမှုဟာ သတ္တဝါတွေ အတွက်တော့ ကုိုယ်လုပ်ခဲ့တဲ့ အလုပ်တွေရဲ့ သက်ရောက်မှုတွေပဲ ဖြစ်တဲ့အတွက် သူ့တရားသူစီရင်တဲ့အပေါ်မှာ ကုိုယ်နဲ့အဆင်မပြေတာလေး တစ်ခုနဲ့တော့ သူ့အပြစ်ကုို ကုိုယ့်အပြစ် မလုပ်ဖြစ်အောင် ဖြေဆည်ကြည့်ကြရမှာ ဖြစ်ပါတယ်။ အဲဒီလုို ဖြေဆည်နုိုင်မယ်ဆိုရင်တော့ သူများအပေါ် ဖြစ်ပေါ်နေတဲ့ ကုိုယ့်ရဲ့အပြစ်တွေဟာ အထုိုက်အလျောက် ပြေလည်လာမှာ အမှန်ပဲ ဖြစ်ပါတယ်။ 

Read more »

အချိန်မတန်သေးလို့ပါ

မကောင်းတာတွေ လုပ်နေပေမယ့် အောင်မြင်နေတဲ့သူတွေ ရှိတတ်သလို၊ မကောင်းတဲ့ အလုပ်တွေမှာ အကျိုးပေး ကောင်းနေတဲ့သူတွေ ရှိတတ်ပါတယ်။ အဲဒီသူတွေကုိုကြည့်ပြီး အားကျဖုို့ မလုိုပါဘူး။ ဒီလုိုပဲ ကိုယ်ကကောင်းတာတွေ လုပ်နေပေမယ့် အဆုိုးတွေပဲ ဆက်တုိုက်ဖြစ်ပေါ်နေတဲ့အခါ၊ လုပ်သမျှ အလုပ်တိုင်းမှာ အဆင်မပြေမှုတွေ ဖြစ်နေတဲ့အခါမျိုးတွေလည်း ရှိတတ်ပါတယ်။ အဲဒီအခါမှာလည်း စိတ်ဓာတ်မကျဖုို့၊ ကံတရားအပေါ် သံသယမဖြစ်ဖုို့ လုိုပါတယ်။ ဒါဟာ ကောင်းကံမကောင်းကံတွေရဲ့ အကျိုးပေးချိန် မတန်သေးလုို့ပဲ ဖြစ်ပါတယ်။ ကံတရားရဲ့ အကျိုးပေးချိန်ကျလာရင်တော့ ဘယ်သူပဲ ဖြစ်ဖြစ် ဒီသက်ရောက်မှုကုို ရရှိခံစားရမှာ ဖြစ်ပါတယ်။ 

ဒီနေရာမှာ မြတ်စွာဘုရားရှင်ရဲ့ တရားစကားက သက်သေတစ်ခုပဲ ဖြစ်ပါတယ်။ ဘုရားရှင်က 

(၁) “မကောင်းမှုပြုသော သူပင်ဖြစ်သော်လည်း မကောင်းမှု အကျိုးမပေးသေးသော ကာလပတ်လုံး ကောင်းမြတ်သော အာရုံကုို တွေ့မြင်နိုင်သေး၏။ မကောင်းမှု အကျိုးပေးသော အခါ၌မူကား မကောင်းမှုပြုသောသူသည် မကောင်းကျိုးကုို ခံစားရ၏။ 

(၂) ကောင်းမှုပြုသော သူပင်ဖြစ်သော်လည်း ကောင်းမှုအကျိုးမပေးသေးသော ကာလပတ်လုံး မကောင်းသော အာရုံကုို တွေ့မြင်နိုင်သေး၏။ ကောင်းမှုအကျိုးပေးသော အခါ၌မူကား ကောင်းမှုပြုသောသူသည် ကောင်းကျိုးတုို့ကုိုသာ တွေ့မြင်ရလေတော့၏” လုို့ အနာထပိဏ် သူဋ္ဌေးကို ဟောကြားတော်မူပါတယ်။

ဒါကြောင့် ကောင်းကံ မကောင်းကံရဲ့ အကျိုးသက်ရောက်မှုဟာ အချိန်တန်ရင် ဘယ်သူမှ တားမရဘဲ ရောက်လာမှာ ဖြစ်တဲ့အတွက် ဘယ်သူဘယ်လုိုပဲ ဖြစ်နေပါစေ ကုိုယ်ကုိုယ်တုိုင်သာ ကုိုယ့်အလုပ်တွေမှာ ယုံကြည်မှု အပြည့်နဲ့ အကောင်းဆုံးဖြစ်အောင် ရွေးချယ် လုပ်ကြည့်ကြဖုို့ပဲ ဖြစ်ပါတယ်။ ကံတရားဆုိုတာ အကျိုးပေးချိန်တန်ရင် သူ့အလုပ်သူလုပ်သွားမှာပဲ ဖြစ်ပါတယ်။ 

Read more »

Facebookက အမေးတစ်ပုဒ် (၁၁)

မေး။ Maghalulin (http://www.facebook.com/magha.lulin)

အရှင်ဘုရား…

မွေးနေ့အထိမ်းအမှတ်အဖြစ် သူငယ်ချင်းတွေကို အရက်ဝယ်တိုက်ပြီး အရက်ဖိုးဒကာခံပေးတာ ကုသိုလ်ရပါသလားဘုရား။ တပည့်တော်ကတော့ မသောက်ပါဘူးဘုရား။ သူငယ်ချင်းများရဲ့ ဆန္ဒကို ဖြည့်ပေးတဲ့အနေနဲ့ သူတို့ဖြစ်ချင်တာကို လုပ်ပေးတာပါဘုရား။ အဲလိုလှူတာ အကျိုးရှိမရှိ။ သူတပါးလိုအပ်တာကို ဖြည့်ပေးတာဖြစ်တဲ့အတွက် ကောင်းတဲ့အလုပ်လို့ ယူလို့ရမရ သိချင်ပါတယ်ဘုရား။ ကျေးဇူးတင်ပါတယ်။

ဖြေ။ မနာပဒါယီ အရှင်ဝိစိတ္တ (http://www.facebook.com/ashinvicitta)

သူတပါးလိုအပ်တာကို ဖြည့်ပေးတဲ့နေရာမှာ ကောင်းတဲ့အရာ ကောင်းတဲ့လိုအပ်ချက်တွေကို ဖြည့်ပေးမှသာ တကယ့်ကောင်းတဲ့အလုပ်လို့ ယူဆလို့ရပြီး မိတ်ဆွေအစစ်လို့ ယူဆလို့ရပါတယ်။ အပါယသဟာယ မိတ္တလို့ခေါ်တဲ့ မကောင်းတဲ့အရာတွေမှာ အပေါင်းအဖော်ဖြစ်တာ လိုက်လျောတာ ဖြည့်ဆည်းပေးတာဟာ မကောင်းမှုကို အားပေးရာရောက်တဲ့အတွက် မိတ်ဆွေအတု လက္ခဏာထဲမှာ ပါဝင်ပါတယ်။

အရက်ဝယ်တိုက်ပြီး အရက်ဖိုး အလှူပြုပေးတာ ကုသိုလ်လုံးဝမရတဲ့အပြင် အကျိုးလည်းမရှိပါ။ အရက်မဟုတ်ဘဲ တခြားအစားအသောက် အလှူမျိုးဆိုရင်တော့ ကုသိုလ်ရပါတယ်။ အရက်ကတော့ မလှူကောင်းတဲ့အလှူ၊ တစ်နည်းအားဖြင့် အပါယ်လားစေနိုင်တဲ့ အလှူထဲမှာ ပါလို့ပါ။ ဘုန်းဘုန်းတို့ ပရိဝါပါဠိတော်မှာ မလှူကောင်းတဲ့ အလှူငါးမျိုးကို ဖော်ပြထားပါတယ်။ အဲဒီငါးမျိုးက

(၁) မဇ္ဇဒါန = သေရည်အရက် ဘိန်းစတဲ့ ယစ်မျိုးအလှူ

(၂) သမဇ္ဖဒါန = ဇာတ်၊ ရုပ်သေး၊ အငြိမ့်စတဲ့ အဆိုအတီးကချေသည် သဘင်အလှူ

(၃) ဣတ္ထိဒါန = ကာမအမှုအတွက် အလိုဖြည့်စေရန် မိန်းမအလှူ

(၄) ဥသဘဒါန = နွားမတို့အလယ်တွင် ထယ်ဝါခန့်ငြားတဲ့ နွားလား၊ နွားသိုးကြီးတို့ကို လွှတ်ပေးတဲ့ အလှူ

(၅) စိတ္တကမ္မဒါန = ကာမရာဂစိတ်ကို ဖြစ်ပေါ်စေတဲ့ ပန်းချီ၊ ပန်းပုရုပ် စတဲ့ သုခုမအနုပညာ အလှူ တို့ဖြစ်ပါတယ်။

ဒီအလှူငါးမျိုးအပြင် တစ်ခြား မလှူကောင်းတဲ့ အလှူတွေလည်း ရှိပါသေးတယ်။ အဲဒါတွေကတော့

-သတ္တဒါနလို့ခေါ်တဲ့ လက်နက်ခဲယမ်းအလှူ

-၀ိသဒါနခေါ်တဲ့ သေကျေပျက်ဆီးစေတဲ့ အဆိပ်အလှူ

-သင်္ခလိကဒါနခေါ်တဲ့ လက်ထိပ်သံခြေချင်းအလှူ

-ကုက္ကဋ သူကရဒါနခေါ် ကြက်ဝက်သားကောင်အလှူ စတာတွေပါ။

ဒါကြောင့် အထက်ပါအလှူများဟာ ဘယ်လောက်ပဲ အကုန်ကျခံ လှူဒါန်းပေးကမ်းပေမယ့် အကျိုးမရှိ၊ ကုသိုလ်မဖြစ်တဲ့ အလှူတွေ ဖြစ်တဲ့အတွက် မွေးနေ့မှာ အရက်ဖိုးလှူပြီး ဧည့်ခံကျွေးမွေးတာဟာ ကုသိုလ်မဖြစ်ပါဟု ဖြေကြားလိုက်ပါတယ်။ အရက်မှ မဟုတ်ပါ ဒီမှာဖော်ပြထားတဲ့ အလှူအားလုံးကို အလှူပြုတဲ့အခါ မလှူဖြစ်အောင် ကျိုးစားပြီး အပြစ်ကင်းတဲ့ အလှူဖြစ်အောင် တစ်ခြားအရာတွေကိုသာ လှူကြပါလို့လည်း တိုက်တွန်းလိုက်ပါတယ်။ 

Read more »